Grímsævintýri

Tanntökur og æla

2009-01-23T10:55:00.002+01:00

Morguninn her for af stað eins og venjulega, Hanna Freyja vaknaði um 5 leytið og let heyra i ser. Svona hefur þetta verið i meira en viku. Það tekur dalitinn tima að na henni aftur niður. Hallur hefur venjulega sinnt henni en eg tok vaktina kl. 5 og sendi Hall fram i sofa. Svo var Hanna Freyja um það bil sofnuð, en þa kom Grimur Logi röltandi inn i herbergi og litla rofa vaknaði við það. Litli kallinn kvartaði undan að vera illt i maganum, og eg gerði rað fyrir að það væri af þvi að borðaði litið i kvöldmat. Svo sa eg að Freyjan var pissublaut og skipti a henni og Grimur for fram til pabba sins i sofann. Það eru sem sagt skrautlegar nætur her a bæ.

Grimur greyið helt afram ad kvarta undan maganum og endaði a þvi að æla a golfið kl. 9, skömmu aður en atti að leggja af stað a leikskolann. Foreldrarnir voru frekar tregir og slepptu honum laus og hann ældi svo aftur a sofann, greyið. Þvi var hann kyrrsettur og liggur her slappur við hliðina a mer i sofanum, nybuinn ad æla upp eplasafa. Það er alveg andstyggilegt að fa svona pest, þetta var vist eitthvað að ganga a leikskolanum.

I gær forum við Rambolina litla a rölt niður i bæ, mig vantaði bok fyrir söngnamið sem eg byrja i 6. feb og ullarbol a Grim. Það þurfa ekki að vera merkilegar afsakanir til að koma ser ut ur husi. Annars hef eg mjög litið farið niður i bæ.
A þriðjudaginn forum við með Karen og Ellen Mariu i mömmuhop i Jonshusi. Þar voru 2 aðrar stelpur með börnin sin, einn 5 manaða og ein rumlega 1 ars sem kom i lokin. Hanna Freyja var mjög glöð að sja hana. Eftir kaffi og bakkelsi löbbuðum við Karen aleiðis heim og nyttum solina og fallega vetrarveðrið, það hefur svo litil sol verið. Eftir að labba meðfram Söerne vildi Karen koma ser heim að vitja Daniels sem var veikur og hoppaði upp i stræto. Eg var a sma orkuflippi eftir spinningtima kvöldið og gerði mer litið heim og labbaði heim. Geri aðrur betur, fra Österbro!

Hanna Freyja er buin að vera i rosalegum tanntökuham, liklega þess vegna sem hun hefur verið að vakna svona undir morgun. I gær fann eg 4 tönnina (framtönn niðri) og 2 dögum aður kom hægri framtönn uppi . Svo er hun rosalega orkumikil, nennir ekki að liggja a skiptiborðinu, tætir i allt, tekur a ras þegar hun ser uppþvottavelina opnast, ætlaði upp ur vagninum þegar við vorum i lestinni i gær og allt eftir þeim notum. Finnst hun alveg vera ad segja "datt" þegar að eitthvað dettur af matarborðinu, þott það geti verið sma bjartsyni, segir lika gjarna "mamma" eða einhvers konar utgafu. Veifaði lika eins og eg gerði þegar við vorum að skoða okkur i spegli i gær. Hun er alveg yndisleg hun dottir min.

Vona að ælupukinn hafi það betur braðum, nu er bæði börnin sofandi, eins gott að nyta timann i tiltektir, einn, tveir og af stað!

Bara halftimalur

2009-01-22T10:35:00.003+01:00

Jæja, nu erum við Hanna Freyja i rolegheitum heima við. (Og eg get ekki skrifad kommur yfir stafi). Eg let hana sofa inni i stadinn fyrir uti i vagni, eins og venjulega, þvi ad var komid sma hor og var oroleg undir morgun - en það þyddi að hun svaf i halftima i stadinn fyrir minnst 2 tima! Eg sem ætladi að fara að æfa mig syngja!

Við erum komin i okkar rutinu eftir jolaferdina til Islands. Grimur er buinn ad vera a leikskolanum og bara nokkud anægður þott að hafi vantad Daniel vin hans, sem er buinn að vera veikur. Eg er að biða eftir að heyra með vöggustofuplass handa Hönnu Freyju, þott mer liggi s.s. ekki mikið a, svona personulega. Stefni a að fara að vinna i mars og að Hallur verði eitthvað heima a moti mer , ef við erum ekki komin með hana a vöggustofu.

Um helgina verður vonandi skroppið i sund og svo förum við i skirnarveislu fyrir Ellen Mariu, litlu systur hans Daniels sem kom i heiminn skömmu fyrir jol.

Eg er buin að setja nyjar myndir a myndasiðuna og er að bæta við fleirum, það er af nogu að taka.
Hafið það gott elskurnar, söknum ykkar allra.

Sviti og kvef

2008-11-13T21:30:00.004+01:00

Nú líður mér vel, eftir að hafa farið i góðan Body Combat púltíma í ræktinni. Þar er boxað út í loftiðe og sparkað og hoppað, jú og öskrað aðeins. Var reyndar sannfærð um að ég væri að fara í Body Pump tíma, en annað kom í ljós. Það var reyndar besta mál, þó ég væri ekki í góðum haldara fyrir skopp, ekki sérlega sniðugt fyrir mjólkurfullu brjóstin, en þetta reddaðist og ég hélt bara vel fyrir þau þegar við gerðum hnélyfturnar.

Annars er Hanna Freyja litla komin með kvef - aftur. Var líka kvefuð fyrir um 3 vikum. Það rann vel úr nefinu og var ansi lítil í dag greyið.

Henni liggur ansi mikið á að ná þessu "mótóríska". Byrjaði að skríða að hermannasið fyrir 2 mánuðum og er nú farin að sitja nokkuð stöðug. Svo byrjaði hún á því fyrir viku að tosa sig upp í standandi stöðu. Þetta gerir hún við sófan, við kassa í eldhúsinu, við ryksuguna og við klósettið (og nagar setuna, namminamm).

Grímur Logi byrjaði á nýjum leikskóla í lok október og það gengur mjög vel. Leikskólinn, eða "børnehaven", heitir Melita og þar er skipst á að vera 2 vikur í leiskólanum, sem er hér nálægt og 2 vikur í "sveitinni"/úthverfi í Birkerød. Þar er líka venjuleg leikskólaaðstaða og náttúra í kring, þess vegna er þetta kallað "skovbørnehave".
Grímur fær frí í leikskólanum á morgun og verður heima með mér og orkudísinni.

Hafið það gott og góða helgi.

Krúnurakaður peyji

2008-10-17T10:23:00.002+02:00

Við Grímur og Rambólína erum heima í dag í rólegheitum. Grímur var líka heima í gær og við fórum með Garðari, Söru, Ísabellu og Ísaki í Frederiksberg dýragarðinn. Það var nokkuð gott hjá mér bara að komast út úr húsi, því það ætlaði aldrei að takast. Hallur hafði skroppið á undan í skólann og ég fór því ein með þau af stað. Fyrst var litla sett út að sofa og hún var óvenju lengi að sofa, og kom svo í ljós að hún hafði kúkað og því þurfti að fara inn með hana til að skipta á henni. Svo var ég að klæða mig og fá mér að borða og þegar ég ætlaði að drífa okkur út var Grímur sofnaður og slefandi í sófanum. Því þurfti ég að bera hann, fyrst á klósettið og svo út í vagn. Loks komumst við af stað með skiptitösku, nesti, pollagalla og ég veit ekki hvað.

Komumst svo á leiðarenda til Halls og hinna. Grímur svaf reyndar lengur en var vakinn í nýja flotta fílahúsinu. Það er alltaf jafn gaman fyrir krakkana að vera í dýragarðinum, þótt það hafi byrjað að rigna og stemmningin verið haustleg. Grími finnst voða gaman að vera með Ísaki og Ísabellu, og þau eru voða góð við hann, leiddu hann um og klöppuðu honum.

Hallur tók sig og rakvélina til í gær og rakaði hárið á Grími, fékk s.s. "kreppuklippingu". Fyrst þurfti að múta honum til að setjast í rakarastólinn með frostpinna. Svo varð rakvélin rafmagnslaus og Hallur mútaði honum með rúsínum. Aftur varð rakvélin rafmagnslaus og pollanum var mútað aftur með Hafra Fras, til að klára að snyrta hárið. Held reyndar að síðustu múturnar hafi ekki alveg verið nayðsynlegar. Núna er Grímur vel stuttklipptur og hefur elst um hálft ár. Ég set hérna mynd inn sem fyrst, vil ekki fara inn í herbergi núna að ná í myndavélina, þá vaknar litla alveg örugglega.

Við Grimur ætlum að baka kanilsnúða í dag, það var reyndar "Stóri bakstursdagur", að dönskum sið, í gær. Þá bökuðum við Grímur reyndar brauðbollur, hann er mjög áhugasamur. Hann var t.d. spældur í gærmorgun, þegar hann sá að ég hafði sett in í ofn, og hann hafði ekki fengið að hjálpa til. Ég er orðin ansi lunkin í að henda inn brauðdeigi í ísskáp að kvöldi til sem maður bakar svo morguninn eftir. Þetta er algjör snilld, maður hnoðar ekki neitt, hrærir bara saman og hendir inn í ísskáp, tekur 3 mínútur. Sýni ykkur kannski snúðana síðar, ef þið eruð heppin:)

"Dejlig" haustdagur

2008-10-14T22:44:00.003+02:00

Mikið var fínn dagur í dag. Grímur Logi fékk frí á vöggustofunni í tilefni haustfrís, sem er í skólum núna í Danmörku og við þrjú dunduðum okkur í morgun þangað til að Hallur kom heim. Við Grímur fórum svo í bíó að sjá Diskó-ánamaðka með Svönu og Skarphéðni. Strákarnir fengu sér popp og sódavatn og skemmtu sér vel. Grímur var aðeins að passa upp á poppið sem við deildum, hann hélt á því og þegar ég stakk hendinni ofan í flýtti hann sér að stinga höndinni ofan í líka:) Svo eftir á hljópu þeir um pallana og tröppurnar fyrir ofan og við kíktum inn á bókasafn, þeir strákarnir léku sér með dót og við Svana lásum sorpritin. Þrömmuðum svo heim og kíktum út í garð heima.

Svo var liðið háttað og gaf Hönnu Freyju að borða og súpa þangað til að hún ældi 4 sekúndu langri bunu á mig alla! Barnið var búið að fá að borða og súpa hjá Halli og ég hélt áfram að gefa henni áður en hún fór í háttinn, svo að hún væri örugglega södd og þetta endaði svona skrautlega. Þurfti að fara í sturtu eftir á. Eftir háttinn kom Hallur með mat handa mér og svo fór hann í bíó með Garðari.

Hugsum mikið til Íslands og til fólksins okkar. Er þetta þó ekki ágætur tími til að búa í útlandinu. Hlökkum til að sjá alla þegar við komum í desember.

Nýjar myndir

2008-09-27T21:21:00.003+02:00

Ókei, við vitum öll að ég hef verið mjög léleg í að blogga eftir að fyrstu vikurnar eftir komu Hönnu Freyju voru liðnar. En ... ég er alla vega búin að setja slatta af nýjum myndum inn á Flickr. Allt sem er merkt *NÝTT*, er jú nýtt, og nær nokkuð aftur í tímann. Þarf meira að segja að setja jólamyndirnar inn. Kíkið á þetta hér .

Hanna Freyja 4 mánaða

2008-07-29T22:57:00.003+02:00

Í dag er Hanna Freyja, elsku litla dóttir mín, 4 mánaða og það er dálítið ótrúlegt. Tíminn þýtur hjá og þetta er allt of fljótt að líða, þau eru svo stutt svona lítil þessi litlu yndi. Áður en ég veit af, verður hún 7 mánaða, jú og svo eins árs. Hér eru 2 myndir teknar í dag eftir að Grímur Logi stóri bróðir kom heim af leikskólanum.

Ég segi ekki meira í bili, er komið fram yfir "nýja" háttatímann minn.

Þessi bloggþögn átti ekki að vera svona ferlega löng, ætlaði bara að taka smá pásu á Íslandi. Svo er alltaf erfiðara og erfiðara að byrja aftur!

Ísland,hér komum við

2008-06-03T11:18:00.000+02:00

Hvor er ungabarnið?

Pakka,pakka,pakka

2008-06-02T00:36:00.002+02:00

Sem sagt þrefalt pakka, enda er ég að pakka fyrir þrjá. Þar sem þetta er venjuega langt og strangt ferli, er ég byrjuð að pakka fyrir þriðjudaginn. (Halli finnst mjög gaman að gera grín að pökkunarathöfnum mínum - þar á meðal að taka allt saman sem ég gæti mögulega þurft og sé svo hvað það er mikið og byrja að tína frá). Ég er alla vega búin að taka n.k. vegin saman fyrir Grím og Hönnu Freyju og á eftir að pakka fyrir mig og taka saman myndavél og tengt því. Það er nóg að huga að! Svo á maður til svo mikið af fötum á þessi kríli og ég reyni að hugsa að geri nú ekki til þó að komist ekki í ákveðin bol eða kjól í mánuð. Er með svona komplex að mér komi til með að líða illa ef ég fatta að ég sé ekki með eitthvað sem væri annað hvort sniðugt, eða bráðnauðsynlegt að hafa! Svo verður maður að vera heilbrigður og láta ekki "hluti" stjórna sér. Enda er ég mjög heilbrigð... jæja, held að sé komin næturgalsi í mig og venjulegi háttatíminn 00:30, er liðinn. !

Hvað varðar dagskýrsluna, þá fórum við Grímur og Hanna með Svölu nágranna og Kristjáni syni hennar í Lindevang garðinn, þ.s. við busluðum í stóru vaðlauginni, kíktum á leiktækin og strákarnir hlupu um í garðinum. Var mjög gaman og notalegt, enda veðrið þvílíkt, um 28 stig eða tæplega. Það er búinn að vera dálítill vindur sem kælir niður, þótt að hann hafi verið minni í dag. Hér er spáð sól áfram og um 25 stigum, en sé að veðurspáin á Íslandi er rigning og um 11 stig.. humm, eins gott að maður er ekki að koma vegna veðursins.

Þá er líka gott að vera krónískur ofpakkari eins og ég og vera græjaður í allt mögulegt veður, muhaha...

Hlökkum til, hlökkum til, hlökkum til !!!

"Allar áhyggjur eru þurrkaðar út ... Hakuna matata"

2008-06-01T00:23:00.003+02:00

Þessa helgi eru Frederiksberg dagar, árleg hátíð, með ýmsum viðburðum og stemmningu á götunum. Við þrjú drifum okkur út, eftir að hafa reynt árangurslaust að fá einhverja af nágrönnum okkar með. Ég var eins og Afríkumamma, með Hönnu Freyju í 'slinginum' og Grím í kerrunni sinni. Á Godthåbsvej gerðum við tilraun til að kaupa sandala handa Grími, en hann var ekki hrifinn af því að máta sandala. Fann reyndar pínkulitla reimaða skó sem hann vildi endilega prófa. Við hrökkluðumst út úr búðinni og héldum áfram á Falkoner torgið. Þar var verið að spila tónlist og koma upp bjórbásum og fleira. Við fórum svo á bókasafnið, þar voru krakkar að spila tónlist niðri hjá barnadeildinni. Hallur kom að hitta okkur þar og Hanna Freyja fékk að súpa. Svo fengum við okkur ís á Smallegade og skoðuðum aðeins endurnar í Frederiksberg garðinum. Hallur veifaði svo bless og ég gerði aðra sandalatilraun. Við vorum rétt komin inn í búðina þegar hún var rýmd ásamt öðrum búðum á hæðinni. Það mætti halda að það væri eitthvað samsæri í gangi! Svo þegar við gerðum aðra tilraun, voru auðvitað sandalarnir ekki til í réttu númeri, týpískt!

Fórum svo aðeins út í garð þegar komum heim og borðuðum svo afganga frá því hamborgarakvöldinu mikla í gær. Grímur hóf raust sína eftir mat og söng mjög ákveðið "engar áhyggjur" lagið úr Lion King, með sinni túlkun á textanum og söng sífellt hærra og ákveðnara. "Allar áhyggjur eru þurrkaðar út..simbi ljón!... hakuna matatan"

Ég er byrjuð að pakka fyrir Ísland. Að fenginni reynslu byrja ég snemma, þetta er mjög langur og flókinn ferill, hvað þá þegar börnin eru orðin tvö.

Það var að sjálfsögðu blessuð blíðan í dag, átti að ná um 28 stigum. Sem betur fer er ágætis vindur til að kæla mann niður. Það verður víst svipað veður á morgun, við stefnum á stóra vaðlaug í nágrenninu, þar sem eru líka leiktæki og garður. Grímur verður ánægður með að busla þar.

Hanna Freyja varð 2 mánaða og fékk vegabréf

2008-05-29T23:47:00.000+02:00

Litla elskan okkar varð 2 mánaða í dag og við héldum upp á það með að sækja vegabréf handa henni. Við fórum þrjú héðan heima frá, tók litla eilífð að koma okkur út úr húsi. Ég rúllaði Hönnu Freyju út í vagninum og Grímur fylgdi á eftir á Puky hjólinu sínu. Við hittum Hall á Metro lestarstöð og fórum út á Kristjánshöfn. Þar var flott sumarstemmning og "dejligt" að labba hjá síkjunum og bátunum. Við fórum í íslenska sendiráðið og fengum bráðabirgðavegabréf handa litlu dömunni. Ég fylltist enn meiri tilhlökkun að koma til Íslands við að sjá íslenska fánann og það var voða notalegt að kíkja þarna við. Þetta gekk vel og stelpan sem tók á móti okkur var mög almennileg, einhvern veginn ekki sérlega danskt, ha, ha. Svo stoppuðum við í flottu bakaríi á leiðinni heim og Grímur Logi sofnaði í lestinni á leiðinni heim. Var við það að sofna og datt úr sætinu greyið. Hallur bar hann svo restina af leiðinni heim.

Hanna Freyja er barasta yndislegt, nema hvað. Er búin að sofa að sofa 7-8 tíma í trekk, fyrir 2 og 3 dögum, þvílíkt flott. Maður nýtur þess á meðan það varir.
Hjalar svo og brosir til okkar, þegar hún er vel hvíld og södd. Finnst líka vera að styttast í hláturinn hjá henni. Mér finnst hún líkjast Grími sífellt meir.
Grímur knúsar hana oft á dag, er farin að taka hana að sér og gefa henni svona bjarnarknús. Það er verra að henni finnst það ekki sérlega þægilegt, einhvern vegin fer hún oft að kvarta þegar hann greyið fær að halda á henni, eins og það sé ekki eins þægilegt og að liggja hjá stórri fullorðinni manneskju. Hann er þó farinn að hjálpa til þegar hún grætur, í dag strukum við henni um kollinn og "ussuðum" og það virkaði vel. Grímur er orðin mun virkur í að leika með dúkkuna sína, Kára litla. Í dag hafði hann sett hana í kerruna sína og fékk mig til að hjálpa við að spenna ólarnar og breiddi svo teppi yfir dúkkuna.

Loksins rigning

2008-05-26T11:10:00.004+02:00

Við Grímur Logi sitjum í rólegheitum inni í stofu, ég búin að vera að dútla við þvott og heimilisstörf og hann að horfa á Simba sinn í Konung Ljónanna. Það er uppáhalds skemmtiefnið um þessar mundir og vill helst ekki horfa á annað. Fyrir utan alla ljónstilburðina í honum sjálfum, sem byrjuðu eftir að Hanna amma hans kom með videóspóluna um daginn. Hann skríður um og urrar og lifir sig fullkomlega inn í ljónsgervið. Eftir að ég sagði einu sinni að ég væri mömmuljónið og "látið þið ungana mína vera" og hvæsti og sýndi tennurnar, spyr hann mig í ljónuleiknum : "ertu mömmuljónið?".

Eins og fyrirsögnin gaf til kynna, er hér rigning. Ég segi "loksins", því að það er búið að vera sól eða að hluta til sól í um 10 daga held ég. Það er því ágætis pása að hafa svona inni-veður og getað dólað sér inni án þess að hafa slæma samvisku að vera ekki hoppandi um úti við. Ég held að það Íslendingurinn í mér (eða á öxlinni á mér) sem finnst að maður eigi að vera úti við þegar það er sól og gott veður. Mér sýnist að það eigi svo að vera sól næstu daga, þannig að við "njótum" dropanna í dag. Annars er kannski hættulegt að tala svona, miðað við hvað síðasta sumar var ferlega blautt og leiðinlegt. Maður gæti kannski kallað meiri rigningu yfir sig?

Við horfðum á Eurovision saman á laugardaginn heima hjá Kára og Kristínu og var boðið líka í mat ásamt Svönu og Atla. Grímur, Skarphéðinn og Jódís skemmtu sér mjög vel saman, fyrir utan smá ósætti annað slagið sem eru ómissandi þegar maður er 2 ára. Hallur var reyndar ekki með því hann fór á Mugison tónleika ásamt félögum sínum úr skólanum. Ég fylgdist með þessu öllu og var illa ánægð með Íslendingana, hefðu verið gaman að fá fleiri stig.

Í gær vorum þið þrjú saman heima, svona "eins og venjulega" á meðan Hallur vann í ritgerð sem hann skilar á morgun. Við fórum út í garð og svo stakk Grímur upp á göngutúr, þannig að við röltum af stað. Sú ferð endaði frekar skrautlega. Við vorum stödd í götu dálítið í burtu þegar að Grímur neitaði að hjóla meira. Ég hafði reynt að sýna honum hvernig maður bremsar, sem honum fannst ekkert fyndið og svo held ég að hann orðið hvekktur þegar hann fór ansi hratt í smá halla og kom sér af hjólinu á ferð. Hann fór að leiða hjólið og varð allt í einu voða þreyttur og talaði um að hann vildi fara í dýragarðinn að skoða ljónin. Við snérum við heim og svo neitaði alveg að teyma hjólið og þegar við komum að lestarstöðinni, heimtaði hann að fara í lestina og neitaði að fara lengra. Þarna var ég komin í bobba, með Hönnu Freyju í vagninum, hjólið hans Gríms ofan á vagninum og einn lítin harðstjóra. Með einstakri mömmufærni og lof um rúsínur heima, hélt hann loks áfram með mér eftir knús og spjall. Þegar við komum loks heim, borðaði hann rúsínurnar og vildi svo meira. Ekki var mamman til í það og þá tók við þreytukast, enda klukkan orðin svo margt. Kom honum loks út í kerru eftir smá bardaga og há rúsínuóp. Úff.

Annars er lítið mál þessa dagana að koma Grími í háttinn, hann er svo mikið úti að leika sér að hann er mjög þreyttur á kvöldin. Þannig á það líka að vera. Hann sýnir líka mikla þolinmæði finnst mér, eftir að Hallur byrjaði í próftörninni les ég venjulega fyrir hann fyrir háttinn og þá er Hanna Freyja venjulega með og er oft ekki hress með að vera svona fylgifiskur og fá almennilega athygli og lætur vel vita af sér. Þetta lætur Grímur allt yfir sig ganga:)

Enn sefur Hanna Freyja, best að gera eitthvað, nú eða ekki neitt, þangað til hún vaknar.

P.S. Passaði upp á sekúndu, vaknaði um leið og vistaði færsluna!

Klósettferð á föstudegi

2008-05-23T09:53:00.002+02:00

Grímur duglegi klósettfari var áðan á klósettinu að kúka, ég heyrði honum nostra við þetta og sturta og spjalla. Svo fór ég að huga að honum og athuga hvort hann væri ekki búinn. Þá var búinn og kúkaleifar voru á setinu hans því hann var búinn að hreyfa sig svo mikið. Stundum stendur hann á klósettinu, leggur hendunar fyrir framan sig og lyftir rassinum alveg upp og kíkir ofan í klósettið til að sjá afraksturinn. Af hverju er ég að segja frá þessu? Jú, mamma hans vaknaði hálfúrill og langaði ekki til að þrífa þetta. Fyrst var Grími skellt undir sturtuna og þrifinn bossinn og svo leit ég í kringum í mig og hugsaði "Er enginn annar sem getur klárað að þrífa þetta, því að mig langar virkilega ekki að gera þetta sjálf?"

Nú sitjum við saman í sófanum, ég með tölvuna og föstudagsblaðið frá Berlingske Tidende og Grímur hlustar á Þrír litlir grísir hljóðdisk. Hanna Freyja sefur. Ætlum svo að drífa okkur út í göngutúr þegar litla rófa vaknar. Eða svona eins mikið og maður getur drifið sig út með tvö börn.
Það er ekkert að frétta af verkfalli hjá blessuðu fóstrunum, fékk bara póst áðan frá formanni foreldrafélagsins þar sem foreldrar voru vinsamlega beðnir um að láta ekki sína "frústrasjón" bitna á þeim starfsmönnum sem eru að sjá um leikskólana, s.s. þeir ófaglærðu. Leikskólarnir/vöggustofurnar eru s.s. opnar mjög takmarkað, Grímur getur t.d. ekki farið fyrr en 29/30 maí, það tekur því ekki einu sinni að senda hann.

Við horfðum á Eurovision keppnina í gærkvöldi, Friðrik Ómar og Regína voru þvílíkt flott! Hlakka til að sjá meira af þeim annað kvöld.

Námsmanna"ekkjan" á Friðriksfjalli.

Smekkleysukvöld

2008-05-21T23:42:00.005+02:00

Mikið er erfitt að rjúfa bloggþögnina!
Ég horfði á Eurovision forkeppnina (endurtekna) í kvöld og það er ótrúlegt hvað fólki dettur í hug. Maður býst við hallæri og furðufuglum, en sumir voru ótrúlegir, hvítir falsettuenglar og írskur brúðu-dj...það var nóg að hneykslast yfir! Annars er ekki eins mikill áhugi fyrir keppnini hér í Danmörku og á Íslandi. Það fór meira að segja fram hjá mér að fyrri undankeppnin væri í gærkvöldi.

Við fjölskyldan erum í verkfalls- og prófstemmningu þessa dagana. Það byrjaði verkfall í leikskólum hjá fóstrum á mánudaginn og Grímur Logi er því búinn að vera heima hjá okkur Hönnu Freyju. Formaður stéttarfélagsins og stjórn þess höfðu samþykkt launasamning, en 70% félagsmanna sögðu nei takk. Það lítur út fyrir að verkfallið muni vara í þó nokkurn tíma.

Þetta hefur gengið vel hjá okkur og góða veðrið hefur hjálpað til og gríðarlegur hjólaáhugi hjá Grími. Hann er búinn að fá annað hjól, flottan "Thunderbird" með hjálpardekkjum og hann er mjög einbeittur í hjólatúrunum í garðinum og þegar við förum í göngutúra.

Hanna Freyja er öll að búttast, það er gaman að sjá hvernig bætist kjöt á beinin. Lærin bæta á sig og svo kemur smá undirhaka og kálfarnir hætta að vera spóalegir. Svo fór hún að hjala þegar hún var um 5 vikna og hálf hlær með svona innsogshljóði. Hún sefur voða vel á nóttunni. Sofnaði óvenju seint í gær og svaf svo alla nóttina.

Við hlökkum mikið til að koma til Íslands 3. júní, þá fáum við nóg af félagsskap og Hallur hefur enn meiri frið til að sinna skólanum. Hann er núna að gera ritgerðarpróf sem hann skilar á morgun og svo tekur við ritgerðarsmíði eftir það.

Grímur Logi er á flottum tveggja ára aldri, það er mikið sjálfstæði í gangi og tekin smá köst annað slagið. Svo byrjaði hann í gær að láta eins og hann sé lítill, fór í vögguna henar Hönnu Freyju og heimtaði snuð, lá svo og tók því rólega og þóttist gráta. Frekar skondið að sjá. Þetta er ansi týpískt skilst mér og við að búast. Hann knúsar hana reglulega, maður þarf bara að passa að það sé ekki of fast, ekki vantar ástúðina.

Grímur er mjög duglegur á klósettinu, að pissa og "gera stórt", eins og hann var nú með fasta rútínu með koppinn sinn. Koppurinn var alltaf tekinn fram milli sjónvarpsins og sófans, alveg þétt við dótið sem var þar og snéri alltaf í sömu átt, það mátti ekki vera öðruvísi. Svo byrjaði hann smá saman, þó nokkuð seinna að sættast meira við klósettið og nú er hann nýbyrjaður að fara bara þangað. Hann klifrar upp á klósettið, erum svo miklir tossar að erum ekki komin með skemil fyrir hann og lætur fara vel um sig á bangsasetunni sinni. Svo er það alveg nýjasta að maður er beðin um að fara fram, svo hann geti fengið að vera í friði. Hann er bleyjulaus hjá okkur á daginn og fær bleyju fyrir nóttina. Hann var þó ekki byrjaður að vera bleyjulaus á vöggustofunni, stefnum á það eftir Íslandsferðina.

"Det er dejligt"

2008-04-30T23:37:00.004+02:00

Þá er dagur að kveldi kominn og vel það. Við fjölskyldan höfðum það gott, dagurinn í dag var viðráðanlegri því að ég náði að leggja mig á sama tíma og blessuðu börnin. Hanna Freyja var sofandi og ég prófaði því að fá Grím til að sofa inni í rúmi hjá okkur, í staðinn fyrir að fara út í kerru. Hann var ekki alveg á því að sofna eftir að við lásum um Einar Áskel og Manga leynivin hans, en svo lét til leiðast að lokum. Það hefur væntanlega hjálpað til að ég var hálfsofandi við hliðina á honum. Eftir blund hjá öllum, var borðað og svo fórum við út í garð. Ég held að ég myndi hálf-klepera ef að hefðum ekki þennan blessaða garð og félagsskap frá hinum Íslendingunum í nýlendunni okkar. Það var skýjað og dálítill vindur þegar við komum út, en svo kom sólin og líka fleira fólk. Grímur var ákveðin í að keyra vagninn þegar við komum út og það mátti helst ekki hjálpa honum. Hanna Freyja svaf um það bil allan tímann sem við vorum úti, það þurfti þó aðeins að sinna henni og taka hana upp smá.

Mér datt í hug nýlega hvernig maður hugsar þetta að eignast barn í fyrsta sinn eða þegar von er á fleiri börnum í fjölskylduna. Þegar maður eignast barn í fyrsta sinn, hugsar maður með sér, hvernig verður þetta eiginlega?, og manni finnst óraunverulegt að það komi lifandi vera úr þessari stóri bumbu. Svo finnst manni líka skrýtin tilhugsun að eignast barn nr. 2, það er dálítið skondið en satt. Hvernig það verði að vera með TVÖ börn og sjá um þau BÆÐI og elska þau bæði. Alla vega, það sem mér datt í hug var að þetta með að fjölga í fjölskyldunni er dálítið eins og að ferðast til fjarlægra landa, svona eins og ég hef gert dálítið af. Manni finnst rosalega skrýtin tilhugsun að fara til Tíbet eða að fara til Afríku.. en svo þegar maður er mættur á staðinn, er maður furðu fljótur að aðlagast aðstæðum og finnast þetta vera eðlilegt, að heimsækja klaustur í Tíbet eða prútta um ávexti í Afríku. Eins fannst mér ótrúlegt að hugsa til þess að eiga tvö börn, en svo venst það líka með tímanum. Ekki það, mitt annað kríli er auðvitað nýkomið í heiminn og við eigum eftir að upplifa margt saman öll, en það er áhugavert hvernig maður aðlagast nýjum aðstæðum.

Það góða líka við að eiga eldra barn, þegar maður sinnir svona litlu barni, er að stærra barnið gefur manni jarðtengingu, því að það er jú hægt að tala við það og eiga almennileg samskipti. Þetta litla er jú svona pínu lítið og ekki farið að tjá sig mikið. Hanna Freyja er farin að brosa aðeins og það er frábært að fá svoleiðis sólskinsgeisla.

Grímur minn er farinn að sýna meiri áhuga á dönskunni og "snakka" aðeins meira við okkur. Það er dálítið síðan að hann fór að segja við okkur "Hvad er det?" og benda á hitt og þetta. Þá segjum við hvað það er á dönsku, alla vega eftir bestu getu og svo segir hann "Jaaaa". Í dag þegar við vorum að borða saman var ég að dásama hádegismatinn minn, sem var kjúklingur og salat og fleira (þetta er taktík hjá okkur Halli til að fá hann til að borða fjölbreytta fæðu) og við vorum að tala um hvað maturinn væri góður (hann var jú að borða Cheerios) og þá sagði hann "Det er dejligt", ha,ha, þetta hef ég ekki heyrt hann segja áður. Það er greinilega mikið að gerast í kollinum á honum, hann er kannski að æfa sig á okkur áður en hann fer að tjá sig meira á vöggustofunni. Hann var farinn að tala aðeins meira þar, þó ekkert í líkingu við hvernig hann talar á íslensku, en ég hugsa að danskan fari að eflast hjá honum á næstunni, það verður gaman að fylgjast með því.

Best að hætta þessu snakki, ég fer seint að sofa eins og gerist gjarnan. Eigið góðan og rauðan 1. maí á morgun.

"Ekki reyna að hvíla þig"

2008-04-29T22:01:00.002+02:00

Við Grímur Logi og Hanna Freyja vorum saman heima í dag. Fyrsti dagurinn minn ein með börnunum:) Grímur var heima því að hluti fóstra í Kaupmannahöfn, Frederiksberg og víðar, eru í verkfalli. Það er að segja ófaglærðu fóstrurnar, lærðu fóstrurnar frestuðu sínu verkfalli um daginn, en eru þó ekki búnar að samþykkja launahækkun sína. Aðeins flókið... Af því að það vantar starfsmenn á vöggustofuna, þá geta ekki öll börnin verið í einu. Grímur skiptist á að vera í vöggustofunni í 4 daga og heima í 2 daga. Alla vega, við verðum heima saman út vikuna. Ég hugsaði með mér snemma í morgun (mjög snemma) að nú væri best að hugsa ekki með sér "oh, þetta verður meira puðið" og hugsa frekar "en hvað ég er heppin að geta verið heima með börnunum mínum". Ég reyndi svo að hafa það hugfast yfir daginn:)

Það komu smá álagspunktar, eins og þegar ég setti Grím út í vagninn og litla rófa orgaði aðeins á meðan og svo var ég orðin aðeins lúin seinni partinn, en annars lukkaðist þetta. Í morgun komu Svana og Skarphéðinn í kaffi til okkar og svo fórum við út í garð í góða veðrið og sólina seinni partinn. Það er hætta-með-bleyju-þjálfun í gangi hjá Grími og hann var því bleyjulaus úti í garði. Svo gerðist reyndar smá pyssuslys hjá honum undir lokin, þrátt fyrir að ég væri nýbúin að spyrja hvort hann þyrfti á klósettið. Það er auðvitað óþægilegt að vera með blautar buxur, þannig að hann ætlaði að tosa allt niður um sig úti í garði. Ég var ekki alveg á því.

Grímur er voða góður við Hönnu Freyju. Held þó að hann sé farinn að átta sig meira á ástandinu, núna þegar litla systir er orðin mánaðargömul og sér að hún er komin til að vera. Í gær og í dag sat hann í stólnum sínum við eldhúsborðið og hrópaði í áttin að vöggu Hönnu Freyju (sem var þó ekki í henni) : "Þetta er MÍN mamma!". Hann hefur líka verið örlítið mömmuveikur og verið að leggja áherslu á að ég sé mamma hans.

Í gær, þegar hann var nývaknaður og kúrði uppi í rúmi hjá okkur, var ég ansi þreytt því að Hanna Freyja hafði vaknað um hálf fimm og vakti í um klukkutíma, aldrei þessu vant. Ég var því vel mygluð um 7 leytið og lygndi aftur augunum með þau litlu sitt hvoru megin við mig. Þá spurði Grímur "Hvað ertu að gera mamma?". Ég svaraði "Ég er að reyna að hvíla mig", og þá sagði þá stutti "Ekki reyna að að hvíla mig" :)
Ég átti líka að koma fram með honum, hann vill endilega hafa mig með, sem er mjög sætt. Svona var nú byrjuð vel áður en litla kom í heiminn. Reyndar fannst mér hann verða mömmutengdari mjög fljótlega eftir að ég varð ólétt.

Það hefur verið nóg af heimsóknum undanfarið. Fyrst komu pabbi, Ragna Margrét og Ingólfur Páll bróðir, og Arngunnur systir og Ísabella. Þau voru öll saman á hóteli hér í hverfinu og svo voru Arngunnur og Ísabella áfram hér hjá okkur. Var voða gaman og voða gott að fá að sjá litlu frænku. Hún er orðin svo stór og myndarleg og er ótrúlega geðgóð og brosir út í eitt. Við höfðum það gott, fórum á kaffihús og brunch og Frederiksberg garðinn og Ragna eldaði fyrir okkur bæði humar og lamb frá Íslandi. Svo dóluðum við Arngunnur og börnin okkur, fórum á leikvöll og vorum úti í garði og hittum Ingu vinkonu á kaffihúsi með Nóa litla sinn.

Sama dag og Arngunnur fóru heim, komu svo Hanna tengdó og Sturri, og amma og afi Halls, Dúna og Hallur. Þau voru dugleg í bæjarröltinu og við Hanna Freyja komum með þeim einn daginn. Við borðuðum líka með þeim á Marriott hótelinu og tókum því rólega saman hér heima. Það var virkilega gott veður, rétt eins og hefur verið og við röltum t.d. á Nörrebro leikvöllinn hér nálægt okkur og sátum úti á kaffihúsi, hreint ekki slæmt.

Svo eru Sigrún vinkona og fjölskylda hennar komin til borgarinna og þau ætla að kíkja á okkur á fimmtudaginn. Það er fínt að fá svona félagsskap. Jú og svo kemur Elísabet og co hingað um helgina til að fara í fermingu í fjölskyldunni og ætla að kíkja eitthvað á okkur í leiðinni.

Ég er að hlaða inn myndum núna á Flickr myndasíðuna og það er meira á leiðinni.

Rólegheitadagur

2008-04-10T23:15:00.004+02:00

Við Hanna Freyja tókum því rólega í dag. Svo fæ ég samviskubit þegar ég geri "ekki neitt" og uppvaskið bíður eftir því að vera sett í uppþvottavélina. Er ekki dálítið skondið að maður sé rétt nýbúin að eignast barn og finnist ferlegt að maður sé ekki búin að snyrta íbúðina til fyrir kl. 15? humm...

Svo komu strákarnir mínir heim og við fórum öll út í garð og nutum sólarinnar.

Ég er búin að bóka flug fyrir mig og börnin (ha,ha, "börnin") þann 3. júní til Íslands, og við stefnum á að vera út mánuðinn. Hallur kemur þegar hann er búinn með önnina í skólanum, ca 25. júní. Það verður gott að vera á landinu og vera með fjölskyldunni.

Svipmyndir

2008-04-08T16:39:00.000+02:00

Tók nokkrar myndir af Hönnu Freyju, þar sem ég hélt á henni fyrir framan glugga og stillti myndavélinni á gluggakarminn. Tók svo myndir án þess að sjá hvað ég væri að gera. Held að séu bara "áhugaverðari" en margar aðrar.

Videó: Hanna Freyja

2008-04-08T10:25:00.003+02:00

Hanna Freyja í sófanum heima með mömmu sinni, ömmu og stóra bróður. Grímur Logi kvartaði sáran þegar ég slökkti á Skilaboðaskjóðunni í græjunum, þaðan er bakgrunnstónlistin.

Status 8. apríl

2008-04-08T00:00:00.007+02:00

Þá erum við fjölskyldan ein í kotinu eftir að mamma fór heim í dag. Það var enginn til að elda fyrir okkur kvöldmat! Við redduðum okkur þó með afgangs lummudeigi, spældum eggjum, bökuðum baunum og kalkúnabollum úr Super Best. Þar áður vorum við úti í garði að spjalla við Íslendingaklíkuna í fínu vorveðri. Hanna Freyja bættist við hópinn í vagninum og blundaði.

Siggi Valur kíkti til okkar og borðaði með okkur, er í vinnuskreppitúr á vegum vinnunnar.

Annars er lítið að frétta - Hanna Freyja tók sig til og svaf heila 5 tíma eftir miðnætursopann og gladdi þannig mömmu sína. Vaknaði kl. 5:30 og svaf svo í um 3,5 tíma, ekki slæmt það.

Í gær fórum við í fyrsta göngutúrinn með Hönnu Freyju, ég og mamma og Grímur. Þegar við komum aftur heim, kíkti Grímur inn og spurði "Hvar er systir?", hafði s.s. ekki áttað sig á því að hún væri með.

Í dag var litla böðuð í fyrsta sinn, hafði ætlað að bíða eftir að Hallur og Grímur kæmu heim, en eftir að hún ældi hressilega mjólkurskammti og kúkaði í bleyjuna, var greinilega sniðugast að skella henni í bað. Henni leið vel í baðinu og lygndi aftur augunum. Það var hins vegar ekki eins sniðugt að koma upp úr og láta þurrka sig og klæða.

Ömmuheimsókn

2008-04-05T17:55:00.000+02:00

Amma Hanna og Amma Gunna eru búnar að vera í heimsókn hjá okkur. Hanna kom á miðvikudaginn og mamma bættist við hópinn í gær, föstudag. Það er búið að vera mjög ljúft að hafa þær hjá okkur, eru búnar að vera að sinna barnabörnunum og okkur. Í gær fóru svo Hanna og Hallur með Grími og keyptu forláta hjól, sem á eftir að prófa betur. Í dag fóru mamma og Grímur í göngutúr og voru svo hér úti í garði með öðrum í íslensku mafíunni, fengu kaffi og kökur og Grímur lék sér við krakkana. Á meðan komu Kalli, Agnes og Máni í heimsókn til að sjá litlu rófu. Mamma fer nú að huga að kvöldmatinum, wienerschnitsel með öllu.

Aprílsól

2008-04-04T13:00:00.002+02:00

Hér skín sólin og það er vor í lofti. Það verður fínt hjá okkur Hönnu Freyju þegar við förum að rölta út um allt með barnavagninn.
Erum nýkomin frá heimilislækninum okkar, sem kíkti á hana litlu, bara til að vera viss um að allt sé "í orden", og það var allt í besta lagi með hana, nema hvað.
Mamma er nýlent og er sjálfsögðu á spani í gegnum flugvellinn, óþolinmóð að sjá litlu prinsessuna. Þær verða hjá okkur ömmurnar tvær fram á morgun, þegar Hanna fer. Grímur Logi verður örugglega glaður að hafa þær báðar til að stjana við sig. Hann er enn aðeins ringlaður í öllum ömmunum, það verður að hafa þær báðar, til að koma á hreint hver er hvað.

Annars var nóttin hjá okkur þægilegri í nótt, svaf nú á milli gjafa, þannig að ég er ekki eins svefnvana.

Hafið það gott um helgina!

Rólegheit og pönnsur

2008-04-03T18:12:00.004+02:00

Við erum hér í rólegheitum saman litla fjölskyldan og Hanna tengdamamma. Hallur fór í skólann í morgun og Grímur á vöggustofuna. Við Hanna og Hanna Freyja vorum hér saman í rólegheitum. Hanna Freyja fékk sér reglulega að súpa og við lögðum okkur allar oftar en einu sinni. Vorum í nokkurs konar nýfæddu-móki, voða notalegt. Hanna Freyja naut þess að láta ömmu sína halda á sér sem allra mest, í staðinn fyrir að lúlla í fínu Stokke vöggunni sinni og amman er sérlega ánægð með að geta sinnt því.

Seinni partinn kom Charlott ljósmóðir í heimsókn til okkar og tók PKU blóðprufu og spjallaði við okkur. Svo galdraði Hanna fram kaffihlaðborð og pönnukökur, mjög notalegt það.

Nú sefur Hanna Freyja og safnar líklega kröftum fyrir nóttina. Í gærkvöldi drakk hún allt kvöldið, ég var dugleg að leggja hana á brjóst og vonaði að fá aðeins meira svefn um nóttina en undanfarnar nætur, brjóstastærðin mín hafði tvöfaldast seint um kvöldið frá því um daginn en litla drakk samt sem áður til um 3 um nóttina. Tók svo 2 ágætis lúra undir morgun. Maður verður að vinna upp þetta þyngdartap sem verður eftir fæðingu, hún fæddist 3700 g og var 3500 g í gær þegar heilsugæsluhjúkrunarkonan vigtaði hana.

Grímur og Hallur eru nýkomnir inn eftir að hafa hitt á Íslendingaklíkuna úti í garði, ég skrapp líka rétt aðeins út til að fá mér súrefni.

Dyrabjallan hringdi rétt áðan og Grímur hrópaði "Nei, afi Sturri!". Þetta var því miður bara pósturinn með sendingu handa mömmu, sem lætur ekki stoppa sig í að versla aðeins þó að hún sé heima við.

Hann er mjög duglegur að láta lesa fyrir Kátir Kenjakrakkar, amma hans er að syngja bókina fyrir hann í þriðja sinn í röð. Þegar Siggi afi var hér, þá var Stúfur tekinn fyrir og lesinn aftur og aftur.

Það eru nýjar myndir komnar á Flickr, mér fannst ég svo dugleg að setja fljótt inn myndir en heyrði útundan mér að einhverjir væru óþolinmóðir að fá að sjá nýjar myndir:)

Mjólk er góð

2008-04-01T21:49:00.002+02:00

Við höfum það fínt hér á Borups Allé, litla Hanna Freyja þrífst vel og er ánægð að mjólkin hjá mömmu er byrjuð að koma.

Grímur Logi fór á vöggustofuna í gær og við Hallur fórum á Hvidovre spítala, til að fá Resus sprautu handa mér. Ég er s.s. Resus negatív og Hanna Freyja er Resus pósitív, þannig að ég þurfti að fá mótefnissprautu ef maður ætlar í frekari barneignir. Ekki að við séum farin að plana það:) Það tók að sjálfsögðu góðan tíma fyrir okkur að koma okkur út úr húsi, en svo gekk bílferðin í leigubílnum og ferðin í heild svona glimrandi vel, því að Hanna Freyja svaf þetta allt af sér. Fimm mínútum fyrir brottför prófuðum við snuddu og hún tók hana "med det samme".

Svo fór Hallur að sækja Grím eftir að við komum heim og stóri bróðir spurði hvar litla systir væri um leið og hann kom heim og heimtaði að fá að halda á henni.

Nóttin var eytt í brjóstagjöf, kemur ekki á óvart. Um eitt leytið fóru að heyrast kyngju hljóð í litlu og þannig að hún væri að fá eitthvað að súpa. Eftir að hún komst á bragðið, hélt hún að sjálfsögðu áfram í fáeina tíma:)

Í dag kom svo hin af tveimur ljósmæðrunum mínum í heimsókn og athugaði hvort við værum ekki í góðu standi.

Nú er fjölskyldan mín sofandi, ég ætti að sjálfsögðu að gera hið sama, en er ágætlega sett eftir lúra dagsins og sit og horfi á Aðþrengdar eiginkonur. Hanna tengdó kemur til okkar á morgun, hlakkar mikið til að sjá nöfnu sína.

Jóhanna Freyja fæddist 29. mars

2008-03-30T22:02:00.004+02:00

Litla stúlkan okkar mætti með heljarhraða, laugardagskvöldið 29.3, og afgreiða þurfti fæðinguna á um tveimur tímum. Ég hef ekki lent í öðru eins! Við borðuðum hér kvöldmat saman fjölskyldan og Siggi, pabbi hans Halls, sem var í heimsókn. Ég hafði fundið fyrir n.k. vegin verkjalausum samdráttum, svona eins og fyrirvaraverkjum um daginn og var óvenju stutt á milli þeirra um 6 leytið þegar ég lagði mig, allt niður í 5 mínútur. En alla vega, eftir mat upp úr 8, fór allt af stað. Man að hugsaði um 20 mínútur yfir 8, að Grímur þyrfti að fara að sofa. Fór að finna fyrir "verkjum", sem fóru svo að ná aftur í bak og þú hugsaði ég með mér að nú væri ég greinilega komin af stað. Hríðarnar voru fljótt sterkari og rétt náðum að koma Grími og Sigga tengdó til nágrannana áður en hasarinn byrjaði. Kom mér fyrir upp í rúmi og vildi auðvitað helst hafa Hall hjá mér. Var þar á fjórum og reyndi mitt besta að hafa í við hríðarnar, sem voru að koma á 2 mínútna fresti ca og þegar Hallur tók tímann, vöruðu í 45-60 sekúndur. Ég hringdi í ljósmóðurina mína, Önnu og talaði við hana, tók smá pásu þegar ein hríð kom og svo vorum við sammála um að hún myndi koma. Klukkan var 21.21 þegar ég hringdi í hana og hún var komin tæplega kl. 22. Ég var enn uppi í rúmi þá. Hallur byrjaði á að tengja fæðingarkarið, bara ef það skyldi nást að fylla það. Hann var við það að hleypa vatninu á þegar honum var skipað að koma til mín.

Ljósmóðirin kíkti á mig og tilkynnti að ég væri 7-8 sm opin! Alveg ótrúlegt!
Svo hélt þetta puð áfram þangað til að ég fann skyndilega fyrir rembingsþörf og þá var ekkert annað að gera en að ýta og rembast á öllum fjórum með Hall við hliðina á mér og Anna ljósmóðir rétt fyrir aftan. Þetta voru einhverjar fáeinar mínútur og 2-3 lotur, með öskrum og svo rann litla, ljúfa prinsessan út. Við ætluðum ekki að trúa því að hún væri komin þarna á rúmið okkar, ég snéri mér við og kíkti á hana og þetta var algjörlega "súrrealískt". Lét fljótt í sér heyra aðeins og leit vel út. Minnti ekki endilega á bróður sinn, með dökkt hár og nokkuð vel af því.

Ég tók hana til mín á brjóstið eftir smá tíma og við biðum eftir að fylgjan fæddist, sem gerðist eftir um korter. Það blæddi hressilega eftir það og Anna sprautaði mig og setti stíla í, til að fá blæðinguna niður. Það tókst sem betur fer, hef líklega misst um 500 ml. Bíll frá spítalanum kom með með fæðingartöskuna, súrefni og græjur fyrir Önnu. Það náðist ekki einu sinni fyrir fæðingu.

Þegar þetta var allt komið, kíkti Anna á mig og þurfti ekkert að sauma, sem mér finnst ansi gott eftir svona hraða fæðingu. Á meðan setti ég litlu á brjóstið og hún tottaði aðeins.

Eftir þetta tók tíma að ganga frá og huga að hinu og þessu og leyfa mér að jafn mig aðeins. Ég náði að setjast upp seinna meir og standa aðeins upp, en treysti mér ekki að labba og lagðist aftur niður. Anna afgreiddi pappírsvinnu og hugði að okkur mæðgunum. Anna fór frá okkur að verða 2, Hallur setti í þvottavél og sinnti heimilisstörfum, ég náði að standa á fætur og pissa og fara í sturtu. Sofnuðum ekki fyrr en um 4, og ekki svaf ég fast. Svo fór Hallur á fætur kl. 8 og náði í Grím og pabba sinn, þeir fengu sér hressingu á kaffihúsi á meðan við mæðgurnar lögðum okkur. Svo komu þeir þrír saman og afi náði að halda á litlu og knúsa áður en hann fór í flug heim til Íslands, aldeilis vel tímasett hjá honum!

Grímur var mjög áhugasamur litlu systur, kíkti á litlu tærnar og puttana og klappaði henni.
Það fyrsta sem hann sagði þegar kom til okkar upp í rúm var "sjáðu eyrun!". Við lágum 3 saman uppi í rúmi, ég og börnin mín og höfðum það kósý. Þegar hann kom upp í rúm, var hann ekki alveg að átta sig á því strax að einhver væri þarna, þótt að það væri búið að segja honum að litla systir væri komin. Skreið næstum því yfir hana, þar sem hún lá undir sæng:)

Þegar við vorum komin fram, heimtaði hann meira að segja að fá að halda á henni, sem ég bjóst ekki endilega við, þar sem hann hefur verið passlega áhugsamur eða varkár í kringum t.d. Ísabellu frænku sína. Hefur fundist hún spennandi en ekkert verið að fara of nálægt. Hann tók litlu systur í fangið og kyssti hana og strauk henni, var mjög fallegt að sjá. Ekki langt í mömmutárin á þannig stundum. Vildi svo ekki sleppa henni.

Nú erum við að taka því rólega saman. Ég hef verið aðeins á stjái í dag, en er frekar þreklítil og er ekki uppistandandi lengi í einu. Hallur er ansi myndarlegur í heimilisstörfunum, var hér að snúast í kringum okkur Grím í dag.

Það er ótrúlegt að fæðingin sé afstaðin, átti alls ekki von á svona "skyndifæðingu". Ég þurfti að hafa mig alla við að verða ekki hrædd og leyfa þessu að skella á mér eða flæða yfir mig. Hugsaði með mér einu sinni að vildi nú fá að sofa aðeins á þessu og taka þetta fyrir aðeins síðar:) Reyndi eins og ég gat að "taka á móti" hríðunum og berjast ekki á móti, vaggaði mjöðmunum og gaf frá mér hljóð. Þetta hjálpaði heilmikið. Hallur hvatti mig að sjálfsögðu áfram og strauk á mér bakið, það hjálpaði að sjálfsögðu heilmikið. Ég fann fyrir hríðunum í kviðnum og aftur í bak og svo niður á læri.

Þetta var mjög ólíkt fæðingunni hans Gríms, sem hófst með mildum verkjum á ca korters fresti, hérna var enginn tími fyrir svoleiðis upphitun. Ég er mjög þakklát fyrir að takast að fæða heima, enda varla víst að við hefðum komist á spítalann ef ég hefði ætlað að fæða þar. Við Grímur tökum bara eitt eða tvö skipti í fæðingarkarinu til að nýta það, áður en við skilum því.

Hafið það gott elskurnar, takk fyrir góðar kveðjur.

Sjáið hér myndir og svo eru aðeins fleiri á myndasíðunni.

39 vikur og skorðuð

2008-03-27T23:10:00.003+01:00

Fór til ljósmóðurinnar í dag og allt lítur vel út að venju. Hún sirkaði að litla væri orðin 3400 g og fannst að hún væri búin að skorða sig. Enda var ég hissa á því fyrir um 2 dögum þegar ég var laus við nábítinn n.k. veginn heilt kvöld og fram á morgun, var fín tilbreyting. Þá er hún kannski komin neðar og léttir þar með á maganum og greyið krömdu innyflunum. Er svo orðin sjálf 79.4 kg, stefni ótrauð á 80 kg markið! Verð þá búin að þyngjast um 21 kg ca, það er nokkuð meira en síðast.
Fer svo aftur í skoðun eftir viku, daginn fyrir "setta" dagsetningu, 4. apríl, ekki nema litla láti sjá sig fyrr. Þetta er heldur betur spennandi. Hvað segið þið, hvenær giskið þið á að litla komi, eigum að stofna til veðmáls?

Á morgun kemur Siggi, pabbi hans Halls til borgarinnar - bætir innliti til okkar við vinnuferð. Það verður gaman að fá hann í heimsókn og Grímur kann örugglega að meta það.
Hafið það gott um helgina.

38+6

2008-03-26T23:07:00.010+01:00

Á morgun fimmtudag, er ég komin 38 vikur og 6 daga, ótrúlegt en satt. Fer í skoðun til sænsku heimafæðingarljósmóðurinnar minnar og svo í jóga.

Ég hef það bara ágætt, er í týpísku óléttuástandi, vakna á nóttunni til að pissa og svo hefur nábítur verulega verið að stríða mér, sérstaklega undanfarnar vikur. Þar fyrir utan er maður stór um sig og frekar þreyttur inn á milli. Það er ekki sofið eins mikið og þegar ég var ólétt með hann Grím minn, nú sér hann um að ræsa okkur um 6 leytið og stundum fyrr, jú og stundum örlítið seinna:)

Hér er búið að vera mikið að gera, eins og Hallur hefur lýst ... var með heljarinnar to-do lista, þar sem er nokkurn vegið búið að strika út öll atriði. Ég finn mér þó eitthvað að gera, eitthvað þarf maður að hafa til að dreifa huganum. Er ekki enn komin í biðstöðu, sem er fínt. Svo er bara að sjá hvenær litla rófa lætur sjá sig.

Á myndunum fyrir ofan erum við Grímur að prufukeyra
fæðingarkarið, okkur fannst það báðum virkilega fínt. Mér fannst gott að komast í heitt vatn og Grími fannst spennandi að vera í "sundlauginni" og vildi helst ekki fara upp úr. Svo sést mjög ólétt kona og síðasta myndin er af Grími módeli í flotta jakkanum sem Arngunnur saumaði á hann, ekkert smá glæsilegur. Við vorum að koma úr afmæli áðan og prófaði að smella nokkrum myndum af honum þegar við komum heim til að sýna Arngunni. Var passlega bjartsýn á að ná góðri mynd, svona litlir töffarar sitja ekki fyrir mynd eftir pöntun, en þetta gekk svona vel, hann var meira að segja með mismunandi "pósur". Kíkið bara á myndirnar á http://flickr.com/photos/hildigunnur99/

Páskar og fæðingarundirbúningur

2008-03-23T23:40:00.001+01:00

Nú er Grímur Logi að klára hlaupabóluna sína, bólurnar svo gott sem allar farnar en eitthvað af sárum enn að gróa. Sjálfur hef ég svo notað tímann vel og setið löngum stundum á klósettinu undanfarna þrjá daga. Ég get því sparað mér Búlgaríuferð með Jónínu Ben, því öll innviði eru eins og ný „smúluð“. Úthreinsuninni var þó rétt lokið í tæka tíð fyrir páskaeggið í morgun. Við höfðum fengið stórt og fallegt páskegg sent frá afa Sigga og ömmu Hrefnu, þá hafði Védís líka komið með eitt lítið egg sem var rétt máttulegt fyrir smávaxna matmenn.
Eins og ráð mátti gera fyrir vöktu páskaeggin mikla lukku og litli matmaðurinn lyngdi ítrekað aftur augunum af einskærum unaði. Fram eftir degi hefur hann svo rekið upp stríðsóp með reglulegu millibili: „SÚKKULAÐI!“.

Annars var fór eggjaneyslan óvanalega seint fram að þessu sinni, er þar um að kenna miklum og kröftugum heimafæðingarundirbúningi húsmóðurinna (mér er líka úthlutað verkefnum) og blandast saman við „apartment therapy“ átak sem staðið hefur yfir frá því um mánaðarmótin. Í stað þess að byrja daginn á að tæta upp páskaeggin, eins og ég er alinn upp við, voru gólfin ryksuguð og skúruð áður en gefinn var möguleiki á svo miklu sem kornfleksskál! Þetta er þó aðeins toppurinn á ísjakanum því hér hefur hvert skúmaskot endurtekið verið endurskilgreint, endurraðað og endurupptekið, allt samkvæmt kúnstarinnar reglum og útspekúleruðum aðferðum „apartment therapy – saving the world one room at a time“. Hér, á heimili þar sem jafnvel harðgerðustu kaktusum hefur ekki tekist að draga fram lífið nema um stundasakir, er að verða umhorfs eins og í snoturri blómabúð, t.a.m. eru fersk blóm sett í vasa upp á hvern dag og eitt stikki „bonsai“ tré komið inn á bað (þeir sem hafa séð „Karate Kid“ vita um hvað ég er að tala). Það er ekki að sökum að spyrja hjá henni Hildigunni minni. Annað hvort er farið í hlutina að lífi og sál eða þeim sleppt!

Eitt af því sem mun vera nauðsynlegur hlutur að hafa við heimafæðingar er stórt og mikið baðkar. Slíku er ekki til að dreifa hér í íbúðinni og Hildigunnur er ekki sammála mér um að sturtan geti gert sama gagn. Á miðju stofugólfinu stendur því nú 700 lítra sundlaug! Þar hyggst Hildigunnur fljóta um eins (flug)móðurskip fyrir ankerum. Til að tryggja flotið hefur hún svo keypt tugi kílóa af salti. Það er því ekki víst, þó fæðingin kunni að fara fram í lauginni, að hún verði undir yfirborðinu.

Við urðum auðvitað að prufa laugina til að sjá hvort allt virkaði. Það gerðum við nú fyrir helgi. Grími Loga fannst þetta alveg meiriháttar og ætlaði aldrei að vilja koma upp úr.

Að lokum vil ég segja frá því að ég hef loksins beðið um hönd Hildigunnar, gerði það raunar fyrir fáeinum vikum. Hún sagði JÁ (kunna að hafa verið hormónarnir) og það stendur enn.

Gleðilega páska.

Grímur segir

2008-03-10T14:40:00.003+01:00

Grímur: Ég er stór og sterkur...ástin mín
(Meðan við lágum uppi í rúmi að lesa bók fyrir háttinn)

Grímir kyssir mömmu sína, sem liggur í sófanum,
mamma: takk (fyrir kossinn)
Grímur: gjörðu svo vel:)

Hlaupabólu-partý

2008-03-04T00:22:00.001+01:00

Á laugardagskvöldið fengum við tvo litla engla í heimsókn, þau Jódísi og Skarphéðin með hlaupabólurnar sínar. Foreldrarnir voru orðnir svo spenntir fyrir Juno að þau ákváðu að skella sér. Það var að vísu smá hikandaháttur í pöbbunum að fara að sjá mynd sem fjallaði um 16 ára ólétta stelpukind. En titrandi næmar raddirnar og ungmeyjaroði í kinnum síðar um kvöldið, sagði meira en mörg orð um hrifningu þeirra.

Fjörið byrjaði strax við innkomu bólubarnanna. Við „blöstuðum“ Skoppu og Skrítlu og fleiri heita diska og svo var dansað „like there would be no tomorrow“! Eftir matinn var farið í gegnum hefðbundið ritúal: rifist um dót, grenjað pínulítið en hlegið enn meira. Þá var hlaupbólugengið afklætt og án málalenginga hófst hið rómaða bumbuhlaup, þar sem hlaupnar eru 384 ferðir innan úr herbergi og fram í eldhús, með tilheyrandi skrækjum - og auðvitað á bumbunni.
Eftir að tennurnar höfðu verið burstaðar lagðist hlaupabólutríóið upp í rúm ásamt konunni með stóru bumbuna. Þarna lágu þau öll fimm um skeið og ræddu málin því allir vildu ráða því hvað var lesið og sumir vildu jafnvel sjá sjálfir um lesturinn. Á endanum var gerð málamiðlun og Hildigunnur fékk ásættanlega athygli við flutning á „Nýja húsinu hans Barbapabba“ og „Ertu skræfa Einar Áskell?“.

Undir lestrinum fór brúnin á Jódísi að þyngjast. Þessi kvikmyndaferð foreldranna var greinilega farin að dragast heldur á langinn að hennar mati. Piltarnir sýndu henni óþrjótandi skilning og vottuðu samúð sína með óteljandi kossum og faðmlögum. Þegar ég leit inn um dyrnar til að gera slíkt hið sama, spurði Jódís samstundis í gegnum tárin: „Hallur, hvar er hann pabbi minn?“. Ég táraðist auðvitað líka, en reyndi að sannfæra hana um að ef hún færi að sofa þá mundi hann birtast alveg um leið og hún vaknaði. En Jódís er orðin stór stelpa og hlustaði ekki á svona marklaust hjal. Þær Hildigunnur ákváðu því á endanum að setjast fram í stofu meðan við strákarnir fórum yfir stöðuna.

Skraphéðinn og Grímur voru ekki alveg sáttir við að vera skildir eftir svona kvenmannslausir. Það var ekki fyrr byrjað var að segja þeim söguna af því þegar Búkolla gamla hvarf af heimili þeirra Skarphéðins, Atla og Svanlaugar og Skarphéðinn var sendur af stað til að leita hennar, að þeir fengust til að leggjast niður:
...
Hallur: Og Skarphéðinn hélt af stað með nesti og nýja skó, til að leita að Búkollu.
Skarphéðinn: Á bílnum.
Hallur: Já einmitt, hann keyrði af stað í leit að búkollu.
Skarphéðinn: Afi og amma keyra.
Hallur: Og afi hans og amma fengu að sitja í. En þegar þau komu að fjalli nokkru varð ekki lengra komist á bíl svo Skarphéðinn hélt af stað fótgangandi og skildi ömmu sína af eftir.
Skarphéðinn: Hestarnir, íhíhíhí!
Hallur: Nú voru góð ráð dýr, því Skarphéðinn rakst á hóp hesta, gat náð sér í hest og reið af stað. Þegar hann hafði riðið um stund rakst hann á Grím. Þeir heilsuðust með miklum virtum og glöddustu yfir þessum óvæntu endurfundum. Héldu þeir svo saman áfram förinni, fótgangandi. [Grímur hafði fram að þessi verið sérlega einbeittur og áhugasamur um alla framvindu sögunnar og hreyfði hvorki legg né lið.] Þegar þeir höfðu gengið um stund kölluðu þeir félagar: „Baulaðu nú Búkolla mín ef þú ert nokkurstaðar á lífi“. (veikt) Muuuu
Grímur og Skarphéðinn: Muuuu!
...
Þegar leikar standa sem hæst og skessan Gilitrutt er á hælum litlu drengjanna og Búkollu hættir Skarphéðni að lýtast á blikuna og segir: „Ég er hræddur“.

En ævintýrið tók loks enda og þeir félagar urðu mjög ánægðir með að nafnar þeirra í sögunni skildu komast heilir að höldnu aftur heim til Atla og Svanlaugar, þar sem Svanlaug bakaði fyrir þá kanilsnúða og gyðingabrauð sem þeir sporðrenndu með býsn af kakói, áður en þeir svo fóru í rúmuð og buðu hvor öðrum góða nótt.

Með þegjandi samþykki var ákveðið að nú væri nóg komið af lestri og ævintýrum. Einu athugasemdirnar héðan af voru gerðar þegar pabbi, í fáein skipti, lyfti höfðinu af koddanum og gerði sig líklegan til að laumast út. Þá lagði Grímur höndina létt á ennið á pabba sínum og sagði: „Farðu að lúlla“.

Hildigunnur komin í fæðingarolof

2008-02-29T23:26:00.004+01:00

Til hamingju Hildigunnur!

Í tilefni dagsins sendum við Grím í pössun til Skarphéðins vinar síns, þar sem hann varð sér að öllum líkindum út um hlaupabólu. Það kemur að vísu ekki í ljós fyrr en eftir ca. hálfan mánuð er mér sagt. Við Hildigunnur nýttum tímann og fengum okkur sushi og smelltum okkur í bíó. Fórum á myndina Juno, sem óhætt er að mæla með. Ein af þessum fágætu, mannbætandi myndum sem skerpa lífsnautnina og afhjúpa fegurðina og húmorinn í hinu hversdagslega og einfalda. Æ, hvað það er gott verða fyrir svona upplifun sem fær mann til að elska, nema og líða örlítið betur. Í stuttu máli elskurnar, (ætti kannski frekar að segja Sólveig, ætli þú sért ekki orðin sú eina sem lest þetta?:) fáið ykkur heitt kakó og smellið ykkur á Juno.

Annars hefur þessi vika verið fremur"aktív", samanborið við fyrri vikur, hvað menningarlífið varðar. Ég fór t.a.m. á tónleika með Smashing Pumkins á miðvikudaginn ásamt skólafélaga mínu. Nú veit ég að margir "hard-core" aðdáendur öfunda mig mjög (veit ekki hvort þú ert það Sólveig?), ég get klárlega ekki talið mig til þeirra. Það er t.d. varla hægt að segja að ég hafi heyrt nýjasta diskinn þeirra, sem eðlilega fyllti stóran hluta dagskrárinnar. Hins vegar voru þeir duglegir að taka "gömlu" slagarana inn á milli. Það bjargaði alveg upplifuninni fyrir mig og ég hvarf til baka í krampakenndum transi/dansi til síðustu andartakanna í fjölbraut, þegar ég vafði meyjunum um fingur mér og rokkað inn í bjarta maí-nóttina til móts við óvissa, en bjarta framtíð, afmarkaða eingöngu af óendanlegum möguleikum æskunnar. Það sem er þó enn dásamlegra (Sólveig) er að geta litið til baka núna í þeirri vissu að þetta gjörvulega ungmenni gat með engu móti gert sér í hugarlund það ævintýralega og fjölbreytilega líf sem fram undan var og heldur stöðugt áfram að koma á óvart :)

Ætli ég láti þessar línur ekki duga í bili. Eins og alltaf lofa ég sjálfum mér og öðrum að vera duglegri að skrifa hérna á síðuna (þó ekki væri nema fyrir þig Sólveig mín). Við skulum sjá hvernig það gengur.

Ekki koma aftur

2008-02-26T21:40:00.002+01:00

Grímur var í smá svefnaðlögun nýlega eftir að rútínan var búin að skolast til. Eftir að búið var að lesa og syngja og leggja hann niður, fór ég s.s. fram og fór svo inn til hans reglulega. Fyrst þegar ég fór fram segi ég venjulega "ég kem aftur". Svo þegar ég kom inn til að klappa honum, segir hann "ekki koma aftur" ... s.s. ekki fara fram:)

Daginn eftir bættist við, þegar ég var að breiða yfir hann : "mamma, ekki láta svona" - þetta hefur hann heyrt hjá foreldrunum þegar þeim skortir þolinmæði.

Krúttið:)

Ég er saddur

2008-02-11T22:33:00.000+01:00

Þetta sagði Grímur þegar hann vaknaði eftir síðdegisblund í gær og þegar hann vaknaði eftir nóttina í morgun.

Grímur heldur sig heima

2007-11-15T09:08:00.000+01:00

Grímur minn er búinn að vera úr leik síðustu daga, með kvef, ælu og hita. Hann er búinn að vera í hitalaus síðan í fyrradag, en er enn voða slappur og kvefaður. Hallur var með hann heima á mánudag og ég í fyrradag og í gær. Svo var planið að hann færi á vöggustofuna í morgun en það var hætt við það og hann verður heima með skólastressaða pabba.

Við komum til Íslands, ég og Grímur þann 6. desember og ætlum að halda upp á afmælið hans um helgina. Maður verður að mæta til Íslands og hitta fjölskyldu og vini, þegar maður verður 2. ára (16. des).

Við bumbubúinn höfum það fínt, ég er farin að finna mjög vel hreyfingar, mest þegar ég er liggjandi. Sýni stundum Grími bumbuna og tala um að lítið barn sé þarna. Stundum strýkur hann bumbunni og kyssir og stundum tosar hann einfaldlega bolinn á mömmu niður aftur:) Ég keypti í haust mjög fallega bók eftir Astrid Lindgren, "Ég vil líka eignast systkin" - þar eignast Pétur litla systur og svo líka lítinn bróður. Við höfum lesið hana fyrir Grím og hann hefur gjarnan verið áhugasamur og strýkur litla barninu á myndinni. Grímur er auðvitað ekki alveg að meðtaka þessar systkinafréttir, að ég held, en það kemur örugglega þegar bumban stækkar og hann líka.

Stelpurófa á leiðinni

2007-11-09T13:51:00.000+01:00

Þá er biðinni lokið og hægt er að segja frá því að við Hallur eigum von á lítilli frekjudós (eins og við grínumst með) þann 4.4. Fyrst að Grímur Logi svipar til pabba síns í persónueinkennum, stöðugur og frekar rólegur, þá reiknum við með að stelpa sem við eignumst verði ákveðin eins og mamma sín:)

Við vorum í aukasónar í morgun, til að fá að vita kynið. Litla rófan stríddi okkur ansi lengi, var með naflastrenginn á milli lappanna og hreyfði sig mjög mikið um. Það tók því ljósmóðurina frekar langan tíma að vera örugg með þetta, hún vildi auðvitað ekki segja neitt fyrr en hún væri viss. Svo óskaði hún okkur til hamingju með stelpu!

Eftir helgina

2007-11-06T12:09:00.000+01:00

Við fjölskyldan höfðum það mjög gott um helgina, ég ætti nú reyndar að byrja á því að segja frá föstudeginum. Hef ekki verið að básúna það hér, en ég er sem sagt ólétt og við Hallur fórum í 18 vikna sónar á föstudaginn. Ég vonaðist að sjálfsögðu til í að allt væri í lagi hjá krílinu og svo langaði mig núna að fá að vita kynið. Við ákváðum að fá ekki að vita það með Grím. Alla vega, sónarinn gekk vel á Hvidovre spítalanum og allt leit vel út, sem betur fer. Ég spurði svo í lokin sónardömuna hvort hún gæti séð kynið og hún athugaði aðeins en sagði svo að hún gæti ekki séð það, eða gæti ekki verið viss þar sem að það væri með lærin klemmd saman. Hún var ekki til í að athuga aftur eða sjá hvort að krílið hreyfði sig eitthvað, þannig að það var örlítið pirrandi að fá ekki að vita hvort að blátt eða bleikt væri á leiðinni. Þetta er víst smá "issue" á sumum dönskum spítulum, var t.d. búin að lesa í bæklingi frá Hvidovre spítalanum að ekki væri alltaf hægt að vera viss um kynið og því gefi þeir það ekki upp.

Ég var ekkert að gefast upp og pantaði tíma á einkaklíník í annan sónar, sem við þurfum sjálf að borga. Dálítið klikkað, en ef maður vill vita þetta - þá vill maður virkilega vita þetta!

Ég er núna "sett" 4/4 (leiðinlegt hvernig þetta er orðað) og það er akkúrat óskadagsetningin mín. 04.04.08 er flottur fæðingardagur og svo 04.04 minn fæðingardagur (02.02) tvöfaldaður. Kannski segja þeir eitthvað annað í aukasónarnum og krílið ákveður sjálft hvenær það kemur, en þetta er alla vega flott dagsetning í bili.

Eins og ég sagði höfðum við fjölskyldan það huggulegt um helgina. Við fórum á laugardeginum til Agnesar og Kalla, vinapars okkar, í Solrød Strand. Þar borðuðum við kvöldmat og gistum. Grímur hafði það gott með Elmu Lind og Mána. Morguninn eftir var huggulegur morgunmatur og farið í sund í sundlaug sem er rétt hjá þeim. Þar var alger lúxus, um 38 gráðu heit barnalaug og venjuleg laug sem ég dýfði mér aðeins í . Á sunnudeginum vorum við svo í letistuði eftir að við komum heim.

Grímur er búinn að vera með kvef og hósta en fór aftur á vöggustofuna í morgun. Hann er orðin teiknimyndaóður eftir að hafa fengið að horfa á meiri teiknimyndir en venjulega í veikindunum. Biður um "Bubba, Latabæ, Lata-Bubba, Lala, Pó". Nú verður þetta trappað niður...
Honum finnst voða gaman að skoða myndir í tölvunni, t.d. af Ísabellu frænku sinni. Um daginn hafði ég sett tölvuna mína undir sófann og skildi svo ekki hvað hann var að baxa við að teygja sig undir sófa og segja "Ísabella". Þá vildi hann ná í tölvuna og skoða myndir af litlu frænku. Í gær prentuðum við út myndir af henni og þeim saman og hengdum upp í eldhúsinu, það fannst honum ansi sniðugt.

Hann er voða duglegur að tala og apar allt eftir manni, er virkilega gaman að fylgjast með því. Reynir líka við lengri og erfiðari orð og nýju orðin koma ansi fljótt. Þessi aldur sem hann er á núna finnst mér mjög skemmtilegur. Maður fær líka forsmekk á 2 ára aldrinum en það er nú skiljanlegt. Þessi grey hljóta að hafa skoðun á hlutunum.

Ísabella heimsótt á Englandi

2007-10-23T21:52:00.000+02:00

Við Grímur komum heim í gærkvöldi eftir afar vel heppnaða ferð til London til Arngunnar systur og fjölskyldu. Mamma hafði komið 3 dögum áður og við Grímur bættumst við hópinn á laugardaginn. Við höfðum það virkilega gott saman með Arngunni, Alden og Ísabellu Joci. Barnið er að sjálfsögðu algert "draumabarn", eins og það er kallað, drekkur og sefur og vakar aðeins inn á milli. Ég get ekki sagt að hún sé lík Arngunni í útliti, sækir það frekar til pabba síns og hefur líka sinn eigin svip. Hún er bara yndisleg.

Á laugardeginum fórum við gæsamömmurnar í göngutúr í næsta garð/leikvöll. Þar var reynt að plata Grím í hin ýmsu leiktæki, en passlega stór rennibraut varð fyrir valinu hjá honum. Um kvöldið útbjó mamma humarveislu (að sjálfsögðu með humri og laxi frá Íslandi).
Á sunnudeginum fórum við í heljarinnar hádegismat til pabba hans Aldens, Peter og konunannar hans, Anna. Það var margrétta glæsilegt máltíð og ég gafst upp við að halda aftur af mér. Grímur skemmti sér við að skoða garðinn og henda laufblöðum í litla tjörn. Svo veiddi Alden handa honum pínulítinn eðluunga, sem fékk nafnið Billi og bættist við matarborðið sem gestur í skál. Grími þótti mjög spennandi að fylgjast með honum. Seinna kom Elísabet vinkona og snarlaði með okkur. Eftir 4 tíma langan hádegisverð héldum við heim ásamt Elísabetu. Mamma hafði ætlað að elda íslenskt lambalæri um kvöldið, en það var ákveðið að geyma það þangað til daginn eftir.

Á mánudeginum skrapp ég í smá verslunartúr í næsta nágrenni, Richmond. Röltaði þar um verslunargötuna og straujaði aðallega kortið í Baby Gap. Það var fínt að geta dólað sér aðeins ein, ekki oft sem að það gerist.

Eftir frábært lambalæri og meðlæti skutlaði Alden okkur Grími út á Heathrow flugvöll. Flugið gekk mjög vel. Grímur var orðin svo félagslyndur eftir helgina og nýbúinn að kveðja fólk, þannig að hann veifaði fólki eins og hann væri Hollywood stjarna þegar við löbbuðum inn í flugvélina. Svo á meðan fluginu stóð veifaði hann af og til Dönunum í næstu sætum og lítilli stelpu hinum megin við ganginn.

Ég var mjög fegin að koma heim seint í gærkvöldi, það er alltaf gott að koma heim til sín.

Er búin að setja myndir frá því um helgina á Flickr.

Grímur orðinn 22 mánaða

2007-10-17T23:13:00.000+02:00

Grímur Logi varð 22 mánaða í gær. Hér eru nokkrar myndir af honum í baði áðan, fyrsta freyðibaðinu. Honum fannst það ansi sniðugt og fannst gaman að uppgötva freyðikúlurnar. Svo rétti hann úr fótleggnum upp úr baðinu, þannig að það minnti á rakvélaauglýsingu fyrir konur, sérlega lekker. Eins og sést á einni mynd, er hann marinn á enninu, hann datt á sama stað 2 daga í röð á vöggustofunni.

Pabbi hans sótti hann í dag á vöggustofunni og varð ansi brugðið. Hann kom inn í herbergið og ætlaði að spyrja fóstruna hvar Grímur væri. Honum datt ekki í hug að litla "stelpan" sem hann sá í bakið á, væri sonur hans, þar sem hann var klæddur í bleika síðsvuntu með ermum og hvítum blúndum. Svo snéri Grímur sér við og Hallur fékk karlmennskuáfall. Grími fannst þetta voða sniðugt og baksaði við svuntuna. Það er gaman að vita að það er jafnrétti á vöggustofunni:)

Dúna systir Halls, átti afmæli í gær - til hamingju með afmælið Dúna.
Svo átti Heiðrún, systir hans Halls afmæli 10. okt., - til hamingju með afmælið Heiðrún.

Ísabella Joci

2007-10-16T11:01:00.000+02:00

Hér eru tvær myndir af litlu frænku. Ég stelst til að skrifa "Ísabella" og ekki "Isabella", á enska vísu. Arngunnur og Alden eiga eftir að setja upp myndasíðu, en við erum búin að fá 3 sendingar með myndum, það er svo yndislegt að sjá þær. Maður verður að stytta sér stundir þangað til við förum til þeirra á laugardaginn. Ég sá þær mæðgur líka á Skype á sunnudaginn og Ísabella, var voða róleg og vær.

Helgin

2007-10-14T21:55:00.000+02:00

Þá er helgin nær búin. Við fjölskyldan erum búin að sýsla ýmislegt saman um helgina. Á föstudagskvöldið söng ég með gospelkórnum mínum á menningarnótt, í Illum. Við byrjuðum á því að hefja raust okkar úti á Striki og færðum okkur inn. Marseruðum upp á fjórðu hæð og sungum þar fyrir áhorfendur á öllum hæðum. Eftir þó nokkur lið, skiptum við okkur í hópa og sungum á ferðinni 2 lög til viðbótar.

Í gær laugardag, fórum við í Tívolíið með nágrönnum okkar, Atla, Svönu og Skarphéðni. Tívolíið er núna opið í rúma viku, þegar haustfrí er í skólum og er skreytt virkilega flott í Hrekkjavökustíl, með ótal graskerum o.fl. Þar röltuðum við um og strákarnir skemmtu sér í nokkrum tækjum og svo borðuðum við á Wagamama. Tókum svo einn hring áður en við tókum strætóinn heim.

Í dag höfum við tekið því rólega, fórum í bakarísferð í morgun og Grímur svaf úti í vagni. Seinni partinn fórum við Grímur í gönguferð, hann í nýjum Molo kuldagalla, sem var reyndar keyptur á útsölu í janúar. Maður er svo séður stundum. Gallinn er nokkuð stór en við gerum ekki neitt vesen úr því. Við Grímur tókum rölt í næstum götu, en komumst ekki langt, Grímur eltist við vingjarnlegan kött og óð í gegnum laufblaðshrúgu. Hittum svo á Skarphéðin og Jódísi nágrannabörn ásamt foreldrum sínum og kjöftuðum við þau, ásamt fleiri nágranna úti í garði.

Þá er ný vinnuvika framundan, það verður talið niður í laugardag, þegar við förum að heimsækja Ísabellu frænku í London á laugardaginn. Við sáum hana einmitt á Skype-inu áðan, var ósköp róleg og auðvitað voða sæt.

Arngunnur systir búin að eiga

2007-10-10T21:39:00.000+02:00

Arngunnur systir átti í dag glæsilega stelpu! Ég er orðin móðursystir:) Ég er ekki búin að tala við hana, en hún var víst 3,5 kg og í lengra lagi. Fæðingin gekk mjög vel. Ég heyrði í Arngunni í gærkvöldi og þá var þetta allt byrjað. Fékk svo svar við sms-i í morgun að væri styttra á milli hríða, hefði ekkert sofið og mikið verið í baði. Þannig að þetta var greinilega allt að koma. Svo heyrði ég ekkert í henni eftir það. Við mamma og fleiri biðum í ofvæni eftir að heyra fréttir frá London, ferlegt að vera svona langt í burtu. En nú er litla prinsessan komin og við erum öll ofsalega ánægð.

P.S. Búin að setja nýjar myndir á flickr.

Grjónagrautur og strákabusl

2007-10-04T12:22:00.000+02:00

Í gærkvöldi buðum við nágrönnum okkar, Atla, Svönu og strákinum þeirra Skarphéðni Árna í grjónagraut. Grjónagrautur er orðinn einn af "klassíkerunum" á heimili, með hjálp uppskriftar í Nönnubiblíunni, sem ég man ekki hvað heitir. Ég bæti samt við mínu auka, set heila kardimommubelgi og sítrónuskræl út í. Grímur er ofsa hrifinn af grjónagrauti, hann borðaði 3 skálar og leit ekki við brauði með kæfu, sem er venjulega vinsælt. Sagði svo "ummm" um leið og hann borðaði:)

Eftir matinn fóru þeir strákarnir í bað og það var mikið fjör. Þeir skemmtu sér mjög vel saman og "bonduðu" mjög vel, voru stöðugt að kíkja á hvað hinn væri að gera, var mjög gaman að fylgjast með. Þeir kepptust við að hella úr málum og yfir sjálfa sig. Svo tóku þeir létt orkukast þegar þeir voru búnir í baðinu, var eins að sleppa beljunum út á vorin, þegar þeir hlupu út af baðherberginu. Bæti við myndum af þeim hér, sem fyrst.

Þessi mamma var svo þreytt þegar hún var svo búin að svæfa litla gutta, að hún fór bara að sofa sjálf fljótlega á eftir. Var komin upp í rúm kl. 9:30, hvorki meira né minna. Ætlaði að mæta snemma í vinnuna í morgun, sem tókst nokkurn vegin. Ég fer svo að sækja Grím á vöggustofuna seinni partinn, nokkuð sem Hallur er eiginlega alveg búinn að sinna, síðan ég byrjaði að vinna. Hallur hjólaði með Grím í morgun, þannig að það er ekki kerra til ráðstöfunar. Síðast fengum við okkur ágætis göngutúr á strætóstöðina. Stöðin er ekki svo langt frá vöggustofunni, en það tók okkur um korter að labba:) Ég passaði mig að stressa mig ekki og hugsaði með mér að væri hollt fyrir Grím að fá hreyfingu. Enda var hann duglegur að labba og leiddi mig á meðan, maður er nú með hámarkshraða í lægra lagi þegar maður er tæplega 2 ára.

Kór,fiskur og vetrarfatnaður

2007-10-03T12:19:00.000+02:00

Ég veit ekki hvenær þið voruð síðast á þeim aldri þar sem farið var í kórferðalag, en ég fór alla vega í kórferðalag síðustu helgi, með kórnum mínum, Sound of Gospel. Við héldum í sumarbúðir KFUM í Jægerspris sem er á norður-Sjálandi. Þar vorum við frá föstudagseftirmiðdegi fram til sunnudags. Það var ýmislegt gert, borðað góðan mat og skemmt sér, sungið og talað um framtíðarplön kórsins. Á laugardeginum var hægt að velja um sólóista"session", stomp-tíma eða andardráttar"session". Um kvöldið var kokteill, heljarinnar matur og grímupartý. Þetta var allt saman mjög fínt, dálítið krefjandi að vera með 60 fólki sem maður þekkir ekki og að skilja dönsku í dúndrandi tónlist.

Fjölskyldulífið gengur annars sinn gang. Grímur virðist vera ánægður á vöggustofunni, að minnsta kosti var hann að kríta úti í gær, þegar Hallur kom að sækja hann og vildi helst ekki fara heim.

Á mánudaginn var elduð íslensk ýsa sem við keyptum hérna úti. Maður er alltaf að reyna að auka fiskneyslu. Grími fannst það reyndar ekki sérlega sniðugt, borðaði smá hrísgrjón sem búið var að lauma í smá fiski, en lét restina vera. Það verður áskorun fyrir móðurina að fá hann til að borða fisk. Ég man sjálf eftir því að vera ekki hrifin af fiski sem krakki og þegar foreldrarnir útbjuggu klassísku samsetninguna með ýsu, stöppuðum kartöflum og fullt af tómatssósu. Og svo kúgaðist maður jafnvel af fiskinum, þegar verst lét.

Annað sem Grímur er ekki hrifinn af, er að fara í nýja skó. Ég er nýbúin að kaupa hanna flotta kuldaskó. Hann gólaði í búðinni þegar hann þurfti að máta þau. Nú er ég búin að spreyja þá og sýna honum, en þarf að plana aðlögunartíma, he, he. Læt reyna á það í dag þegar hann kemur heim. Er alveg bókað að það þarf að berjast við hann, er ansi skrautlegt. Var svipað, en ekki eins slæmt, þegar hann átti að fara í nýja vetraranorakkinn sinn um daginn, drengurinn er ekki hrifinn af svona breytingum.

Þegar maður er í Danmörku og er ekki með bíl, er mjög sniðugt að kaupa svona hluti á netinu. Var bæði búin að fara ferðir til að finna skó og úlpu sem tókust ekki og endaði á því að kaupa þetta á netinu, maður nennir ekki að eyða frítíma sínum í fýluferðir.

Þetta er s.s. hversdags"snakkið" mitt - heyrumst síðar.

Komin í gang

2007-09-20T12:05:00.000+02:00

Nú er fimmti vinnudagur eftir Íslandsferð og veikindi, og ég er komin af stað í þessu venjulega lífi. Ég fór á kóræfingu á þriðjudagskvöldið - ég er nýbyrjuð í gospelkór sem heitir Sound of Gospel
og það er virkilega spennandi, mér líst ofsalega vel á hann. Ég fór í inntökuprufu í ágúst og fór á eina æfingu áður en við fórum til Íslands. Ég missti því miður af 2 æfingum, einni þegar ég var á Íslandi og einni eftir að ég kom heim. Vegna þessa verð ég ekki með á tónleikum í kvöld, því miður, en ég ætla samt að fara á þá og hlakka til.

Í gær kom ég heim og eftir hvíld í sófanum, dúlluðum við Grímur okkur saman. Hann fór í langt bað, sem honum þykir voða gaman. Svo fékk hann að sulla við eldhúsvaskinn, ég lét renna úr krananum og hann fékk mál og skál til að hella í og úr... þetta biður hann stundum um : "hella!". Ég vaktaði hann á meðan ég fékk mér að borða.

Svo var háttað og við lásum Einar Áskel - Flýttu þér - hann fylgdist vel með, las næstum því allan textann. Hann var ekki alveg til í Einar Áskel fyrir mánuði, hafði ekki þolinmæði að hlusta á, eða fannst hann ekki nógu spennandi. Nú var hann alveg til og mér fannst það frábært, keypti 2 bækur á Íslandi meira fyrir mig, held ég. Svo tók ansi langan tíma að sofna, hann var ekki með vesen en lá í rúminu og blaðraði þessi ósköp við sjálfan sig. Mér fannst eins og það væri svo mikið að gerast í heilanum í honum og hann er sífellt að læra ný orð - það var eins og hann væri að spóla í gegnum alls kyns orðaforða og náði ekki að slökkva á heilastarfseminni. Allt í einu heyrðist "api, ú, ú", höfum verið að apa eftir apahljóðum á heimilinu. Svo var hann að tala um mömmu og pabba og ýmislegt fleira. Tókst svo loksins að sofna og ég horfði á Heroes í sjónvarpinu.

Grímur litli töffari

2007-09-16T22:39:00.000+02:00

Grímur Logi 21 mánaða í dag

2007-09-16T22:09:00.001+02:00

Tíminn flýgur og bráðum verður litli drengurinn ekki eins lítill, þegar hann verður 2 ára í desember. Það er voða gaman að fylgjast með honum þroskast og segja og gera sniðuga hluti. Eins og til dæmis að babla heil ósköp og skammast og bendir með vísifingur með útstrekktan handlegg og hættir svo og segir "knús" og labbar til mann og knúsar mann. Eða þegar hann situr með bók og blaðar í henni og talar heil ósköp við sjálfan sig og bendir á allar blaðsíðurnar. Og þegar hann er byrjaður núna að vera meira til í að labba með okkur úti við, bara heldur í höndina á manni og labbar með, það finnst manni sniðugt.

Á morgun sný ég loks aftur til vinnu, verður fínt að fást aftur við hversdagsleikann.

Í gær fórum við Grímur í Frederiksberg bæjarrúnt saman, reyndum að finna úlpu á Grím en það gekk ekki og dönsku búðirnar eru ekki með opnunartíma sem nær langt fram á dag. Svo í dag fórum við í bæjarrúnt saman fjölskyldan niður í bæ, á Strikinu og í nágrenni. Grími fannst örugglega mikið að sjá, því að hann sleppti alveg blundinum sínum og dugði alveg til rúmlega 8 áður en hann sofnaði.

Snýtandi grænu

2007-09-14T13:06:00.000+02:00

Aðalfréttirnar eru af húsmóðurinni, (finnst mér), ég fékk andstyggðarpest þegar ég var á Íslandi og er enn að jafna mig. Við Grímur fórum saman til Íslands 3. september, og flugferðin gekk vel, Grímur var algjör stjarna. 2 dögum seinna fór ég að finna fyrir kvefi og varð svo drulluslöpp, en fór nú í vinnuna, í kynningu fyrir nýja starfsmenn, maður var nú einu sinni mættur til landsins sérstaklega fyrir þetta. Svo versnaði bara heilsan og maður var að mæta í vinnuna og að þeytast hingað og þangað til að hitta elsku fjölskylduna.

Hallur kom svo á fimmtudagskvöldið og fór upp á Skaga. Þar var Grímur búinn að vera frá þriðjudeginum, þá var hann með Gunnu ömmu. Svo kom Hanna amma og fór með hann upp á Skaga.

Á laugardagin fórum við í hádegismat hjá Sigga tengdó og Hrefnu og um kvöldið í fertugsafmæli hjá Heiðu frænku hans Halls. Á sunnudeginum var svo 2 ára afmælisveisla hjá Rakeli Mirru frænku, kíktum svo til pabba og enduðum í mat hjá mömmu. Sem sagt nóg á dagskránni! Ég skreið bara upp í rúm hjá mömmu eftir mat.

Komu svo heim á mánudagskvöldið og ég er búin að vera veik heima síðan, ótrúlegt en satt. Snýti mér svo mikið að snýtupappírinn hlaðast upp í kringum mig og hef varla fundið bragð síðan á sunnudaginn, í 6 daga! Arg! Bíð eftir að hakka í mig Nissa súkkulaðinu og maltinu sem ég keypti í fríhöfninni. Var að fá penisillín resept hjá heimilislækninum áðan, sjáum hvort að það hjálpar ekki.

Alla vega, heilsan hlýtur að fara að koma, lífið gæti nú verið verra, það er bara svo freistandi að vorkenna sér. Grímur Logi er hress og það hefur gengið vel í vöggustofunni, eftir að við komum heim. Hallur er byrjaður í skólanum og líkar vel.

Hafið það gott um helgina og verið góð við hvort annað.

Grímur sofnaði sjálfur!

2007-09-02T22:26:00.000+02:00

Það gerðist merkilegur atburður hér áðan - s.s. að Grímur Logi sofnaði alveg sjálfur fyrir nóttina - án þess að ég væri inni hjá honum. Við vorum búin að lesa saman og hlusta á spiladósina og syngja og svo var kysst góða nótt - og ég gerði eins og við erum búin að vera að gera,segjum honum að við ætlum fram og komum aftur. Byrjaði á 30 sekúndum og erum svo búin að vera auka smá tímann. Núna áðan lagðist hann bara niður og var hinn rólegasti, alveg eins og í gærkvöldi, (stóð ekkert upp) þannig að ég beið aðeins með að fara inn aftur ... og svo sofnaði hann bara!

Ekki það að mér finnist ekki gott að vera með elskunni minni, en getur verið auðveldara fyrir þreytta mömmu að vera ekki inni í hálftíma eða meira að svæfa.

Svo erum við að fara til Íslands á morgun, og þá fer allt í rugl! :)

Við til Íslands, 3. september

2007-09-02T10:48:00.000+02:00

Við Grímur skellum okkur til Íslands á morgun og Hallur kemur á fimmtudaginn, 6. sept. Upphaflega ætluðum við öll að fara saman 6. september til að fara í 2 ára afmæli hjá Mirru frænku og fertugsafmæli hjá Heiðu frænku - en svo fékk mín vinnu og ég verð í þjálfun hjá fyrirtækinu - sem heitir Betware - núna þriðjudag til föstudag.

Er núna að hafa okkur til og taka til í íbúðinni - lendi vonandi ekki í megastressi eins og síðast þegar ég fann ekki vegabréfið hans Gríms, af því að einhver færði það til. Ég var gráti næst komin kl 1 um nóttina, en sem betur fer fannst það. Er búin að setja föt á Grím ofan í tösku og eftir að græja mig og annað óendanlegt dót sem mér fylgir, svo sem myndavél og slíkt.

Er búin að setja nýjar myndir inn á flickr og er að bæta fleirum inn.

Ef einhvern langar að hitta okkur þá verðum við á Íslandi til 10. sept.

Myndir komnar

2007-05-18T00:05:00.000+02:00

Þá er ég loks búin að setja inn myndir, þær eru frá apríl og ná til gærdagsins.

Við Grímur vorum heima í dag og tókum því rólega. Lékum okkur saman eftir að hafragrauturinn var borðaður (og Grímur endaði máltíðina á að setja restina af grautinum á hárið,nammigott). Við stöfluðum turna með kössum, sendum lest á milli okkar og Grímur brunaði um á maríhænunni sinni. Það var grátt úti og rigning og Grímur er kvefaður, þannig að við fórum ekki mikið út. Við kíktum til nágranna okkar á jarðhæðinni í kaffi og svo klæddi ég Grím í pollagallann og hann fékk að busla aðeins í pollunum úti í garði. Við stoppuðum þó stutt við því það byrjaði að rigna og hendurnar á litla gaurnum orðnar kaldar. Svo eldaði húsmóðirinn hakk og spagettí, sem var nammigott, alla vega borðaði Grímur af bestu lyst.

Svo var maraþon bað/sturta hjá okkur Grími, alveg örugglega í 40 mínútur, þetta finnst Grími æði. Hann er mjög nægjusamur, þrátt fyrir ýmis baðleikföng finnst honum venjulega mest spennandi að vera með þvottapoka. Hann dundaði sér við hitt og þetta, í lokin uppgötvaði hann að það var mjög sniðugt að standa upp og láta sig svo detta ofan í balann með látum. Eftir þetta vorum við vel gufuð og heit og góð - ekki var þó nostrið búið, því Grímur fékk olíunudd á skiptiborðinu. Honum fannst það bara fínt, ég næ ekki að dúlla eins mikið og þegar hann var minni, núna þarf að vera meira stuð, hann fær smá dót til að skoða og það eru taldar tásur og svo finnst honum gott, alveg eins og hann var lítill þegar að handleggir og fótleggir eru hristir (mátulega hressilega að sjálfsögðu).

Eftir þetta töluðum við við Arngunni systur og ömmu Hönnu, sem var hér í heimsókn síðustu helgi.

Þetta var s.s. dagur hjá okkur ... vonandi hafið þið átt góðan frídag.

Stórfréttir!

2007-05-16T23:38:00.000+02:00

Þar kom að því að fengin var utanaðkomandi “dönsk” pössun fyrir Grím.

Grímur er kominn með all nokkuð kvef og við Hildigunnur vorum svo “upptekin” í dag að við áttum erfitt með að vera heima. Við höfðum því samband við “pössunarþjónustu” í gærkvöldi og fengum svo hana Britta í heimsókn 7:40 í morgun. Hildigunnur var með þeim til kl. 9:30 en eftir það dúlluð Grímur og Britta gamla sér hér heima, þar til ég kom heim seinnipartinn. Þetta virðist hafa gengið ótrúlega vel, a.m.k. kvartaði hvorugt þeirra. Hér hafa því orðið ákveðin vatnaskil og við Hildigunnur eigum sannanlega eftir að bjalla í hana Brette aftur og bjóða henni upp á þau forréttindi að passa Logálfinn okkar aftur.

Þess má að lokum geta að Grímur Logi er 17 mánaða í dag! Til hamingju elsku kúturinn.

Lofa myndum eftir helgi

2007-05-09T09:11:00.000+02:00

Gódan og blessadan daginn,ég er nýmætt í skólann - tíminn byrjar eftir 50 mín, ég er bara svo idin og kem og æfi mig ádur,he,he.
Ad venju er allt á fullu, tharf helst ad fá samthykkt lag í dag til ad syngja á tónleikum 20. maí, lagid eda søngurinn, verdur nefnilega ad vera samthykktur med viku fyrirvara eda meira.
Svo er smá tiltekt fyrir komu Skagamafíunnar á morgun og í kvøld verdur pakkad í ferdatøsku fyrir Parísarferd - Á MORGUN! Ja hérna mía. Vid erum ad fara 4 stelpur ad heimsækja Auju vinkonu í París, já, thú heyrdir rétt - thetta er STELPUFERD.

Er búin ad vera á leidinni í mánud ad setja inn myndir, en sé fram á ad ná thví í kvøld, thannig ad ég lofa theim eftir helgi.

Gledilega Eurovision og kosningahelgi

Stjarnan mín og ...

2007-05-04T23:25:00.000+02:00

Verð bara að koma að því orðum að Hildigunnur var hreint og beint frábær á tónleikunum í gær, kom sá og sigraði!!! Aðra eins dynjandi sveiflu og rithma hafa Kaupmannahafnabúar og nærsveitungar ekki orðið vitni að.

Hildigunnur hafði, eins og áður segir, með sér á sviðið þrjár útvaldar og upprennandi danskar sönggyðjur sem með eggjandi og fjaðurmagnaðri sviðsframkomu studdu við stjörnu kvöldsins. Henni tókst á eftirminnlegan hátt að bræða saman í listrænum gjörningi seiðandi kyngimagn söngsins og lokkandi og lífsörvandi líkamstjáningu. Allt rann þetta saman í andlegan “elexír” sem ölvaði áheyrendur lengi á eftir.

Þetta var dýrlegt.

E.S.
Ég geri mér enga grein fyrir hvað hún Hildigunnur er að fara með tali um ýkjur. Allt sem ég skrifa hér samræmist kristilegu uppeldi mínu og því hvernig ég upplifi aðstæður á hverjum tíma.

Uppfíruð eftir kvöldið

2007-05-03T23:54:00.000+02:00

Og gerum enn betur:)
Við Hallur erum tiltölulega nýkomin heim eftir vel heppnaða tónleika á vegum skólans míns, á stað niðri í bæ. Þar söng ég skemmtilegt Arethu Franklín lag, ekta soul/fönk. Það var hljómsveit sem að hélt uppi kvöldinu og svo voru 3 stelpur sem sungu bakraddir með mér. Þetta var virkilega gaman og fólk var bara ánægt með mig. Var í allt öðrum gír en síðast, þegar söng rólegt lag, meira hægt að kýla á það og það er bara stuð. Mig langaði bara að syngja meira þegar ég var búin!

Grímur var á meðan hjá Skarphéðni Árna, vini sínum, þeir voru víst mjög góðir saman. Þeir léku sér líka saman á "mótor"hjólum í garðinum fyrr í dag.
Mér leist ekkert á þessi "svefnskrif" hjá Halli, að ég minnist nú ekki á, að ég kem ekki sérlega vel úr þeim:) Ég bið ykur að hafa í huga að Hallur tekur smá skáldasveiflur - ég er ekki að segja að hann segi rangt frá en aðeins ýkt í anda Halls. Það er nú ekki eins og stjörnuprinsinn á heimilinu sé að vakna allar nætur og þjáist hér á heimilinu, jedúddamía!

Best að koma sér í háttinn, nú er spennufall og þreyta að hellast yfir mann.

Komum sífellt á óvart!

2007-05-02T23:24:00.000+02:00

Ha, ha, þessu áttuð þið ekki von á. Blogg með aðeins tveggja daga millibili!

Við Grímur vorum heima 1. maí þar sem leikskólinn var lokaður. Við höfðum það voða gott feðgarnir og ræddum mikið málin. Vorum að sjálfsögðu úti í sólinni sem hefur leikið við okkur undanfarna daga.

Ekki var nóttin síður skemmtileg, Grímur á það til að vakna einhvertíma á bilinu 3 til 5 á nóttunni og þar sem mamma hans hefur sett þá reglu að taka hann ekki upp í rúm fer annað okkar inn til hans og reynir að sannfæra hann um að fara aftur að sofa. Það veður þó að segjast að af einhverjum ástæðum á ég alltaf þessar næturvaktir. En yfirleitt geng ég til þessara verka minna með bros á vör… og það hefur verið góð ástæða fyrir því.

Fyrir nokkrum vikum ákvað ég að taka húsbóndastólinn úr stofunni og frá sjónvarpsskerminum og setja inn í herbergi til Gríms, svo ég hefði amk þægilegan stól til að sitja á. Þetta var nokkuð táknrænn atburður og ég er hræddur um að hann hafi ekki hjálpað mér mikið í valdatafli heimilisins – það er önnur saga.

Eftir að ég kom stólnum fyrir hef ég nýtt þessar stundir til að lesa hinu frábæru bók “Ævintýri góða dátans Sveijks”. Ég hef því setið, flestar undanfarnar nætur, frá hálftíma og upp í tíma við rúmið hjá Grími mínum og skemmt mér konunglega við lesturinn. Grímur gerir engar athugasemdir við þetta svo fremi sem pabbi hans reynir ekki að laumast aftur upp í rúm áður en honum tekst að sofna aftur (af einhverjum ástæðum getur það tekið þó nokkurn tíma).

Nú er ég hins vegar í smá klemmu því þó bókin sé nærri 500 blaðsíður þá vaknar Grímur flestar nætur, svo ég hef verið nokkuð röskur með bókina og nú er hún búin. Þegar Grímur vaknaði í nótt gat ég því ekki gripið í hann Sveijk minn og bókin sem ég er byrjaður að lesa núna er ekki beinlínis nætur lesning, heitir “Vidensfilosofi”. Það var því úr vöndu að ráða þegar minn maður hóf um raust sína í nótt og krafðist þess að pabbi kæmi og klappaði honum.

Þá fékk ég vitrun… í síðustu viku hafði ég vaknað til hans en verið of þreyttur til að lesa og tók því með mér sængina og lagðist á bert gólfið við hliðina á rúminu. Ég get ekki sagt að það hafi farið sérstaklega vel um mig, en ég sofnaði þó í smá stund og Grímur gerði engar athugasemdir. Í nótt datt mér hins vegar það snilldar ráð í hug að taka stóru “tungu” pulluna úr sófanum og leggja hana við hliðina á rúmin. Pullan er að vísu ekki nema ca. 140 cm og ég 190 cm, en hvað um það. Ég steinsofnaði og lá þarna eins og rotaður selur til kl. 8 í morgun! Takið eftir því 8!!! Það hefur varla gerst. Grímur var auðvitað löngu vaknaður en fyrst hann hafði pabba sinn þarna við hliðina á rúminu sá hann enga ástæðu til að vera með nein læti og rabbaði til skiptis við bangsann sinn og hrjótandi pabba sinn.

Jæja, látum þetta duga í bili. Sjáum hvort það líður jafn stuttur tími þar til við skrifum næst :)

Jú, það er lífsmark með okkur!

2007-04-30T22:39:00.000+02:00

Undanfarnir dagar hafa verið í nokkuð föstum skorðum hjá okkur. Hildigunnur er enn í söngskólanum og nú er ég í miðjum verkefnaskilum og eftir tvær vikur taka prófin við. Grímur er í góðu stuði, þó að vísu sé búið að hanga í honum kvef í nokkurn tíma. Nú er orðaforðinn að aukast hratt þessa dagan og hann er er voða áhugasamur um að herma eftir því sem hann heyrir. Orð sem hafa verið að heyrast frá honum undanfarið eru t.d. ”amma”, ”húrra”, ”jæja”, ”húfa”, ”skór”, ”bæ,bæ”, ”hæ”. En uppáhaldsorðið er að sjálfsögðu ”nei” sem hann notar óspart og við öll möguleg tækifæri og skemmtilegst finnst honum ef að maður segir ”jú” á móti. Þá æsist leikurinn!

Annars verða næstu vikur viðburðaríkar. Fyrir utan próf og verkefni hjá mér að þá fer Hildigunnur til Parísar 10. maí og sama dag kemur stór hluti ”skaga-mafíunnar” í góða veðrið. Heiða frænka verður fertug, svo það verður öllu tjaldað.
Að lokum vil ég benda á að Siggi bróðir er í 2. sæti NV fyrir Íslandshreyfinguna svo það einfaldar mjög fyrir fólki hvað það á að kjósa. Jafnvel þó þú lesandi góður sért ekki í NV kjördæmi, ekki örvænta, þú getur samt sem áðurlagt þitt lóð á vogaskálarnar: ”stradegían” er að fá einn kjördæmakjörinn, ekki aðalmálið hvar, því þá bætist við uppbótarþingmaður. Þá eru líkurnar orðnar ágætar á því að Siggi minn verði varaþingmaður og að sjálfsögðu verður hann talsmaður stórbróður í öllum málum... X við Íslandshreyfinguna :)

Páskafrí og heimsókn á leiðinni

2007-04-04T00:27:00.000+02:00

Þá er komið páskafrí og mikið er það huggulegt. Það er búið að vera rosa mikið að gera í skólanum með ansi þétta dagskrá. Í síðustu viku var "kaos" vika í skólanum, vorum að semja lög og gera ýmislegt sniðugt og vikan var enduð með tónleikum í skólanum þar sem fluttum lögin okkar og fleiri í skólanum sungu líka.

Grímur kallinn varð því miður veikur á sunnudeginum,fékk hita. Er nýbúinn að vera veikur,var heima 3 daga í síðustu viku. Hann var hitalaus í dag, sem er eins gott, því að Skagamafían kemur til borgarinnar á morgun: Hanna mamma hans Halls, Sturri "afi Skafís", Dúna systir Halls, Sólveig systir Halls, Njalli maðurinn hennar og Rakel Mirra, sólskingeislinn þeirra sem er 3 mánuðum eldri en Grímur. Stuð og gaman - það er mikið hlakkað til bæði á klakanum og hér á Friðriksfjalli. Hugsa að amman neiti að sleppa litla manninum okkar þegar kemur að brottför.

Hafið það gott um páskana og borðið nógu mikið og farið kannski í göngutúr, inni á milli.

Er komið vor?

2007-03-10T23:12:00.000+01:00

Sit hér einn í augnablikinu og bíð í eftirvæntingu eftir að mín heitt elskaða komi heim. Henni var boðið í gleðskap með krökkunum sem eru með henni í söngskólanum, svo það er vonandi feitt stuð sem eins gott er að nýta sér. Við höfum annars ekki farið í of mörg teiti undanfarna mánuði hvað þá að við höfum sótt í slíkt. Fyrir því er m.a. sú ástæða að við höfum ekki haft okkur í að finna kvöld-barnapössun. En nú verðum við að fara að koma því á “to-do” listann, svo við komum a.m.k. í bíó svona stöku sinnum. Ég skrifa þetta hins vegar án allrar eftirsjá, þörfin fyrir að skell okkur í bíó o.þ.h. hefur einfaldlega ekki verið sterkari. Ég trúi ekki öðru en að fátt sé auðveldara en að útvega barnapössun ef viljinn er fyrir hendi (skilst að vísu að hún sé frekar dýr eftir að ofurskattar og streituálag hefur verið reiknað inn).... en þetta er orðið ágætt. Best að láta þetta verða verkefni vikunnar.

Annars kláraði ég stórt próf sl. mánudag, það gekk alveg ágætlega og nú get ég loks einbeitt mér að hinu raunverulega meistaranámi. Þetta var því nokkuð stór áfangi fannst mér. Ég hef leyft mér að taka það nokkuð rólega þessa vikuna þrátt fyrir að nýju áfangarnir séu byrjaðir og ég þurfi að lesa þá upp að einhverju leiti. Mér veitt hreinlega ekki af smá andrými áður en ég sting mér á bólakaf í næstu lotu. Við Grímur höfum því verið mikið saman í vikunni, enda verið mikið að gera hjá Hildigunni í söngnáminu. Þar á ofan tók hún dönskupróf sem hún rúllaði upp tilþrifum eins og við var að búast, enda mesta séní norðan Alapafjalla, eins og allir vita sem til þekkja.

Nú held ég að vorið sé komið í Kaupmannahöfn. Við notuðum daginn og fórum í Frederiksberghave (almenningsgarður). Þar var vorstemning, fullt af fólki, nokkrar blómategundir sprungnar út, íkornarnir komnir af stað og endurnar í galsafullar í pörunarhug. Grímur stóð á öndinni (nánst í orðsins fyllstu) og var agndofa yfir öndunum og gæsunum. Góður andi og góður dagur.

Mánudagurinn gekk vel

2007-02-26T23:33:00.000+01:00

Úff,þá er dagur að kvöldi komin. Það gekk vel að syngja í dag í skólanum, eins og ég var nú búin að kvíða því. Var fyrst að syngja og náði að vinna meira í laginu, með hjálp Claes kennara, höfum nokkra kennara, sem eru allir virkilega fínir. Lagði mig alla í sönginn og var ánægð með hvað gekk betur með lagið en í síðustu viku. Svo sungu allir hinir og ég aðeins aftur...

Klukkan hálf fimm dreif ég mig í lestina og fór í dönskuprófið kl. hálf sex, það var heldur léttara en átti von á, alla vega aðeins að mér fannst. Var fegin kl. 9 þegar var búin með hlustunar-, les- og skriflega hluta. Fer svo í munnlegan hluta í næstu viku.

Sit núna og fylgist með samantekt frá Óskarsverðlaununum.
Grímur er því miður orðin slappur með nokkrar kommur og gröft í augunum, greyið kallinn. Lítur út fyrir að ég verði heima á morgun, æi, auðvitað vil ég vera heima með litla slappa manninn, en mig langar líka í skólann. Svona er að vera ekki með 'netverkið' sitt, ömmur og afa, frændur og frænkur...
Vonandi hafið þið það gott og verið góð við hvort annað.

Roastbeef á sunnudegi

2007-02-25T22:11:00.000+01:00

Þá er sunnudagur senn á enda. Eins og titillinn gefur til kynna snæddum við fjölskyldan roastbeef í kvöldmat með "tilbehør" eins og maður segir á dönskunni : steiktum kartöflum,grænmeti,súrum gúrkum o.fl., nammi gott...oh ég er svo flínk,he,he...

Búin að vera fín helgi - í gær kíktum við Grímur út í snjóinn og fórum svo í kaffi til Viðars og Láru nágranna. Í dag var tekið til og lært aðeins og reynt að syngja aðeins,þótt að ekki hafi verið mikill tími aflögu fyrir það. Svo er frekar erfitt að vera að æfa sig á kvöldin eftir að Grímur er sofnaður, með píanóið fyrir utan herbergið hans. Maður þarf kannski að venja hann á það, að vera gólandi fyrir utan herbergið á kvöldin :)

Á morgun verður langur dagur, það er í Masterclass í söngskólanum frá 10 til 5, þar sem allir syngja með undirleik. Ætla að reyna aftur við lag sem gekk ekki alveg nógu vel með í síðustu viku. Svo mæti ég í dönskupróf kl. 17:30 sem er í ca 3 og hálfan tíma. Ég sagði að þetta yrði langur dagur! Því er best að fara í rúmið.

Upprisan

2007-02-14T21:42:00.000+01:00

Við Grímur er nú að rísa úr rekkju eftir uppgang og niðurgang. Það kannski heldur mikið sagt þar sem við vorum ekki rúmfastir a.m.k. ekki litli pungurinn. Ég er hræddur um að hann hafi smitað mig um helgina með þeim afleiðingum að ég ældi hraustlega 4 sinnum á sunnudagskvöldið og er svona u.þ.b. að komast í stand núna. Enda eins gott þar sem það er próf á næsta leiti. Grímur aftur á móti ældi "aðeins" tvisvar, er búinn að vera með djéskoti hressilegan niðurgang undanfarna daga. Við sendum hann á leikskólann í dag í þeirri trú að það væri komin nægjanleg þétting í affallið hjá piltinum. Fóstrurnar voru hins vegar ekki alveg á því og létu þau skilaboð fylgja þegar Hildigunnur sótti hann að hann skyldi vera lengur heima... jæja, þá verður svo að vera. Hins vegar hefur hraustmennið okkar ekki kennt sér nokkurs mein, ekki einu sinni um helgina þegar bæði gekk upp úr honum og niður úr :)

Verandi þetta mikla hraustmenni, þá er Grímur Logi svo mikill öðlingur og rjómabolla að ég er að spá í hvort við verðum ekki að senda hann í einhverjar bardagaíþróttir eftir svo sem 1 eða 2 ár? Við erum í því að knúsa hann alla daga og ég efast um að hann sé að fá nægjanlega viðspyrnu á vöggustofunni, svo lendir hann karl greyið í "gaurum" eins og Skarphéðni nágranna (jafnaldri hans í næstu íbúð) og þá líst honum ekker á blikuna. Ætli séu til boxpúðar fyrir 1 árs?

Annars verða næstu dagar bráð skemmtilegir hjá mér og fara í þéttan próflestur og því eins gott að hætta þessu pestaveseni. Allt sem heitið getur heimilishald mun því mæða á Hildigunni (ehh eða er það ekki Hildigunnur?) - [eh,ertu ekki að meina eins og venjulega?-Hildig.] Þetta verður reyndar bráðskemmtilegt próf, á ég von á, munnlegt 30 mín., þar sem ég mun þó fá að tjá mig á ensku.... og alltaf er nú yndislegt þegar þau klárast þessi blessuðu próf.

Kveðja, Hallur

Byrjuð í sönginum

2007-02-06T20:53:00.000+01:00

Nú er ég byrjuð í söngnáminu langþráða, sem ég er búin að tala um, síðan ég veit ekki hvenær. Skólinn heitir Complete Vocal Institute og er niðri í bæ, nánar tiltekið rétt við einn endann á Købmagergade, við torg sem heitir Kultorvet. Hann er stofnaður af konu sem hetir Cathrine Sadolin, og er algjör raddbeitingarnörd. Ég fór á 2 daga námskeið, eða Master Class hjá henni á Íslandi, þar síðasta sumar og þannig vaknaði áhugi minn á þessum skóla. Við lærum raddbeitingu, tækni, túlkun, spuna, hvernig maður fer í prufur og hvernig maður kemur sér á framfæri, komum fram á tónleikum og ég veit ekki hvað. Þetta er rosalega spennandi og búið að vera flott þessa 2 daga sem eru liðni.

Þetta er 4 mánaða 'intensivt' námskeið og því lýkur 1. júní. Það er tiltölulega lítið mál að koma mér niður í bæ, ég fer með Grím í stutta strætóferð á vöggustofuna og svo er Metró stoppistóð á næsta horni, þaðan er stutt ferð til Nørreport og stutt rðlt þaðan í skólann.

Ég segi ykkur meira frá síðar, hvað ég er að stússast í skólanum - ég á alla vega að syngja á mánudaginn lag með undirleikara.

Ljúfur afmælisdagur

2007-02-02T21:07:00.000+01:00

Í dag á afmæli hin undurfagra og bráðgáfaða ofurkona, Hildigunnur Ægisdóttir.

Lífið hefur af einstöku örlæti sínu látið leiðir okkar Hildigunnar liggja saman og á einhvern óskiljanlegan hátt búið þannig um hnútana að hún hefur umborið allar mínar kenjar undanfarin 7 ár. 7 ævintýraleg ár! Það er líka það sem Hildigunnur er, hún er ævintýraleg, hún er mótorinn og eldsneytið, hún er framkvæmdamanneskja, hún er athafnaskáld, hún er ferðalangur. Að fá að vera meðreiðarsveinn í ævintýrum Hildigunnar eru forréttindi sem aldrei verða að fullu þökkuð. Mér verður stundum hugsað til baka um þær væntingar sem ég gerði til lífsins á yngri árum. Það er skemmst frá því að segja að ég orna mér við þá staðreynd að væntingar mínar voru hvergi nærri jafn undraverðar og ríkulegar og raunin hefur hingað til orðið. Fyrir þessu er ein einföld ástæða og hún heitir Hildigunnur. Nýverið bættist svo við önnur ástæða, hann Grímur okkar Logi.

Elsku Hildigunnur mín, ég verð að muna að segja þér það oftar, en þú ert hreyfiaflið í mínum alheimi, þú ert tilgangurinn, orsökin og afleiðingin. Til hamingju með afmælið!

-Hallur

Og nokkur orð frá afmælisbarninu:

"I dag er Hildigunnurs fødselsdag, hurra,hurra,hurra..." - svona byrjar danski afmælissöngurinn, þeir eru með alveg sér afmælissöng, þakka þér fyrir. Ég varð 31 árs í morgun og líst vel á það.

Í gærkvöldi bakaði ég afmælisköku til að fara með í skólann, m.a.s. 2 útgáfur af sömu kökunni. Var að sjálfsögðu að baka þangað til rúmlega 12, svona eins og maður gerir þegar maður er að baka afmæliskökur á kvöldin. Var svo komin í skúringar og ég veit ekki hvað að verða 1.

Var því frekar þreytt í morgun, en Hallur dekrari, maðurinn minn fór á fætur með Grími og fór líka með hann á vöggustofuna. Þannig að ég gat sofið aukalúr og það var voða gott. Ég mætti í skólann kl. 12 og sagði þar frá danskri rannsókn á stofnfrumum og bauð svo liðinu upp á köku. Það var voða ánægt að fá súkkulaðiskammt í kroppinn.

Skundaði svo heim og nokkru seinna komu strákarnir mínir heim, ferskir úr barnasundi í Frederiksberg sundhöllinni. Grími finnst það alltaf jafn skemmtilegt og er hrifnastur af litlum boltum sem fljóta gjarnan í lauginni.

Hallur sló alveg í gegn og mætti með ekki bara einn, heldur tvo afmælispakka, fínan kjól og flott nærföt. Góður !

Við drifum okkur svo út úr húsi - ferðinni var heitið á veitingastað niður í bæ, nálægt Nørreport. Sá er ítalskur og heitir La Rocca. Tímasetningin var aðeins öðruvísi en maður er vanur, við vorum mætt rúmlega 5, það passaði vel upp á Grím. Veitingastaðurinn átti að vera barnvænn og var það heldur betur. Helmingurinn af veitingastaðnum var hertekið af barnafólki og svo var líka leikherbergi með dóti og sjónvarpi. Það er fínt að fara á stað þar sem gert ráð fyrir börnum. Grímur var ekki einu sinni sá yngsti á svæðinu, það var t.d. ein lítil 3 mánaða á borðinu við hliðina. Hann borðaði brauð og spagettískammt með bestu lyst og skemmti sér vel í leikherberginu.

Takk fyrir afmæliskveðjur allir saman - en hvað ég er ánægð með afmælisdaginn minn!

Vetrargarður

2007-01-27T23:34:00.000+01:00

Kæri lesandi (hér geri ég mér sennilega of miklar væntingar),

Við höfum verið einmuna ódugleg við að skrifa hér á síðuna undanfarið. Fyrir því er engin góð ástæða, aðeins leti, eða eitthvað álíka. Það væri allt of langt mál að rekja það sem á daga okkar hefur drifið í millitíðinni, en í stuttu máli fórum við heim til Íslands yfir jólin og áttum þar yndisleg jól. Ég kom síðan aftur til Danmerkur 3. jan. þar sem ég átti að fara í próf. Hildigunnur og Grímur voru viku lengur. Síðan höfum við haft það fínt hér í kotinu okkar. Skólinn hjá mér byrjaði strax eftir prófið og Hildigunnur byrjaði strax aftur í dönskunni. Hildigunnur byrjar svo eftir rúma viku í söngnáminu sínu, sem stendur fram á vor. Hún er að sjálfsögðu orðin mjög spennt að byrja.
Grímur Logi hefur verið hinn hressasti ef frá er talið langvarandi kvef. Á vöggustofunni er hann farinn að gera kröfu til krúnunnar, farinn að hlaupa um allt og segja brandara á dönsku. Við vorum t.a.m. að uppgötva það í kvöld að ”nei” hjá honum er ”æ”, klárlega dönskusletta!
Vetur konungur er loks kominn til þessa litla flata lands. Í dag áttum við yndislegan dag eins og þið getið séð á meðfylgjandi myndum (hafi Hildigunnur komið þeim inn). Amma Gunna hringdi í hádeginu og sagði okkur frá fréttaritara sem hefði verið í útvarpinu og talaði frá hinum einmuna fallega Fredriksberg Have, ölvaður af hrifningu, en garðurinn er einmitt í næsta nágrenni við okkur. Við ákváðum auðvitað að missa ekki af þessu, enda veðrið dásamlegt, nýfallinn snjór, logn.... Ég stökk því af stað niður í ISO og keypti snjóþotu handa Grímsunganum og svo skelltum við okkur í garðinn. Og óboj, óboj, mikið óskaplega var þetta fallegt allt saman, snjórinn, fólkið, snjóþoturnar...
Snjóþotan hitti líka beint í mark hjá Grími, hann skakaði sér til og frá í henni og sagði brrrrrrrrr, brrrrrrrrrrr, brrrrrrrrr og ef snjóþottan stoppaði þá hætti auðvitað að heyrast brrrrrrrrr! Það var aðeins tvennt sem varpaði skugga á ferðina fyrir litla prinsinum: Þegar mamma hans renndi sér með hann á snjóþotunni niður smá brekku (fór helst til of hratt fyrir litla ungann) og þegar hann mátti ekki fara út á þunnan ísinn á vatninu til að klappa öndunum. Hann ákváð þó í örlæti sínu að fyrirgefa hvoru tveggja skömmu síðar og fékk í staðin að leggja sig í vagninum utan lögformlegs hvíldartíma, eftir að hafa nartað í lostætar (enskar) skonsur úr óvenju mergjuðu dönsku bakaríi.
Jæja, best að ofgera sér ekki í fyrstu skrifum ársins. Frekar ætla ég okkur að gera skrifin tíðari, ætli það sé ekki ágætt síðbúið áramótaheit? Bless í bili kæri lesandi, sem fyrir einhverja undarlega tilviljun hefur rambað inn á þessa síðu, því allir aðrir eru að líkindum löngu búinir að gefa upp alla von.

Ég er 1 árs í dag!

2006-12-16T23:32:00.000+01:00

Hér var afmælisveisla í dag - stóri-litli-drengurinn er 1 árs í dag og hér var mikil gleði. Við byrjuðum daginn á því að Grímur fékk afmælisgjöfina sína frá okkur,sem var rosa flott farartæki,maríuhæna á hjólum,sem maður ýtir sér á. Svo var hamagangur í öskjunni að klára að gera allt klárt fyrir afmælið. Hér komu Garðar,Sara,Ísak og Ísabella - beinustu leið frá Árósum;Agnes og Kalli með Elmu Lind og Mána - og Viðar og Lára með Elínu Ólöfu og Nökkva. Það var mjög huggulegt hjá okkur og fólk var ánægt með ofurhúsmóðurina. Grímur borðaði súkkulaðiköku af bestu lyst og stóð sig vel í öllu áreitinu. Hér erum við sátt og glöð eftir daginn og þakklát fyrir að hafa fengið gullmolann í líf okkar.

Hvað gerir Grímur...?

2006-12-16T23:13:00.000+01:00

Hann byrjaði að labba fyrir 3 vikum síðan,þann 25. nóvember,þá 11 mánaða og 9 daga gamall. Hann hafði áður tekið eitt og eitt skref - en stóð í þetta sinn við hliðina á mér að skoða tóman pappabókakassa á gólfinu. Hann var ekki sáttur við að ég færði hann í burtu og tók 3 undursamleg og falleg skref til að komast að kassanum. Ég varð svo óskaplega glöð og stolt.

Hann er farinn að ferðast lengri vegalengdir og tekst á við sífellt erfiðari verkefni. Við pabbi hans sjáum um að dást að litla gullmolanum.

Grímur kom í heiminn fyrir 11 mánuðum

2006-11-16T23:58:00.000+01:00

Hvað er ég gamall?

11 mánaða!

Já,elsku stækkandi unginn minn er 11 mánaða í dag. Og eins og allir foreldrar segja:en hvað þetta er fljótt að líða.

Hér er heimilislíf í góðum gangi. Ég eldaði fantagóðan kvöldmat,svínakótilettur á
tilboðsverði flattar út,velt í hveiti og kryddi og steikt í olíu,nammi namm. Með þessu var borið fram Súdanskar kartöflur,eða svo hét rétturinn í matreiðslubókinni:kartöflur með hökkðum tómötum úr dós,lauk,kryddi og fullt af hvítlauk - látið malla í rúman klukkutíma - og svo salad. Við Hallur borðuðum góðan skammt og Grímur smakkaði á svínakjötinu,endaði þó á gríska jógúrtinu sívinsæla.

Tími fyrir háttinn,mér tekst einfaldlega ekki að koma mér í rúmið fyrir 11!

Íslendingur í danskri rigningu

2006-11-13T14:44:00.000+01:00

Ég hljóp hér út áðan með gullmolann minn,þurfum gjarnan að flýta okkur héðan út eftir að Grímur er búinn að leggja sig,því að Grímur vaknar venjulega um kl. 11 og dönskutíminn byrjar kl. 12. Nema hvað,þegar við komum út var heljarinnar rigning,nokkuð sem ég hafði ekki áttað mig á - og ég var í leðurstígvélum,ekki sérlega praktískt í mikilli rigningu,að ég tali nú ekki um álagið á blessað leðrið. Ég lét mig nú hafa það..en hugsaði með mér að ég yrði að drífa mig í að kaupa gúmmístígvél. Svoleiðis er það nefnilega í Danmörku,það er ekki talið athugavert að þramma um í gúmmístígvélum,meira að segja í skólanum hjá Halli eru hörðustu pæjurnar í gúmmístígvélum þegar það er rigning. Getið þið ímyndað ykkur hvernig það væri horft á ykkur ef þið mættuð í svoleiðis múnderingu í vinnuna eða skólann? En það er um að gera að vera praktískur þegar maður stundar almenningssamgöngur eða kemst um á tveimur jafnfljótum.

Það var stutt stopp hjá mér í dönskunni,var núna n.k. stöðuviðtal með kennaranum,hvar maður stendur,hvað maður vill bæta o.s.frv. Það var fínasta spjall - skundaði svo að leita að stígvélum án árangurs og fékk mér svo café latté í sárabót. Nú er ég heima og planlegg allsherjar þrif á baðherberginu. Ég ætti í raun ekki að sitjast niður við tölvuna,því ég get auðveldlega tapað mér í því.

Eins og Hallur sagði frá var IKEA ferð frá helvíti á laugardaginn - nú eru komnir stólar og eldhúskróksgardínurnar bíða hér þolinmóðar. Hallur lærði svo í gær og við Grímur dunduðum okkur. Ég hafði ætlað að skreppa kannski á risa loppumarkað sem var um helgina í Forum,en höndlaði ekki tilhugsunina eftir IKEA ferðina.

Grímur er hress og grét ekki neitt þegar ég kvaddi hann á vöggustofunni áðan. Hann vaknaði reyndar í nótt um 2 leytið og sofnaði ekki fyrr en að ganga 5! Ég veit ekki hvað var á seyði hjá greyið kallinum. Það væri sniðugt ef að börn gætu sagt frá því einhverjum árum síðar hvað var að angra þau ákveðna nótt þegar voru 11 mánaða. Ef að Grímur segði t.d. við mig þegar hann er orðinn 8 ára : heyrðu já,mamma,manstu í nóvember 2006,þegar vaknaði um nóttina og gat ekki sofnað aftur - það var út af því að mér var illt í góminum...eða, mig dreymdi illa.. eða, mér var illt í maganum... Það væri sniðugt - en þá væri líka smáræði eins og ein svefnlaus nótt löngu gleymd.

Lestarpása

2006-11-12T15:24:00.000+01:00

Hallur skrifar:

Langaði bara að setji inn nokkur orð í lestrarpásunni minni og segja stuttlega frá sl. dögum.

Í fyrsta lagi eyðilagðist hjá okkur þvottavélinn. Hún var í eigu leigusalans svo hann þarf að sjá um að redda nýrri. Við gerðum að sjálfsögðu fyrir að ný vél yrði kominn morguninn eftir... En nei, 4 VIKNA biðtími!!! Það tekur sem sagt 4 vikur að afgreiða nýja vél hjá köppunum hjá Elektrolux. Ég varð svo yfir mig hneykslaður að ég mátti vart mæla. Og það getur bara enginn gert neitt í þessu að því er virðist, húsvörðurinn var raunarmæddur yfir þessu og athugaði hvort hægt væri að fá leigða vél í svo stuttan tíma, en nei, til að byrja með hefði það kostað 2x2 menn í 2x2 fyrir utan að leigan var svimandi há... úff ég gæti skrifað um þetta endalaust frá hinum ýmsu hneykslanlegu sjónarhornum, ég ætla samt ekki að gera mér það né öðrum. Bottom line: það er fínt að vera í Danmörku, ekki misskilja mig, en stundum hef ég það á tilfinningunni að getuleysið sé að sé alveg að fara með þá. Ef einhverjir þurfa spark í afturendann...

Hins vegar bjargaði það lífi okkar að við höfðum haft með okkur þvottavél frá Íslandi (algjörlega Hildigunni að þakka, ég vildi selja hana). Ég vatt mér því í það á föstudaginn að tengja hana og gerði ekki ráð fyrir því að það yrði mikið mál. En hvað haldið þið? Var kaldavatnskraninn (kraninn fyrir vatnið inn á vélina) þá ekki kalkaður fastur og ekki lifandi leið að skrúfa fyrir hann. Afleiðingin varð auðvitað sú að vatn rann í stríðum straumi eftir klósettgólfinu mér tókst þó á endanum að tengja helv. vélina. En hvað gerðist??? Haldið þið að helv. slangan (milli kranans og vélarinn) hafi ekki svikið mig og vatnið hélt áfram að leka niður á gólf!!! Jæja, á þessum tímapunkti var mér nóg boðið og kallið á hjálp...

Súrt - en samt ekki jafn súrt og IKEA ferðin sem við vorum í í gær. 18 villtir hestar munu ekki draga mig í IKEA aftur í bráð.

Eru ekki allir annars í stuði??? Ég er amk í flottum fíling :)

djö... lestrarpásan orðin alltof löng!

Nýjar myndir

2006-11-09T00:18:00.000+01:00

Var að setja loks síðasta myndaskammtinn frá Lanzarote ferðinni síðastliðinn ágúst. Setti líka inn myndir frá því í október. Er búin að taka óvenju lítið af myndum undanfarið,þarf t.d. að sníkja myndir frá Elísabetu og pabba og co. frá heimsóknum þeirra.

Dreif mig í ræktina áðan og hjólaði þangað í rigningu. Maður lætur sig hafa ýmislegt þegar maður er í Danaveldi! Ekki myndi mér detta í hug að gera þetta á Íslandi. Veit ekki með þessa dönsku karlmenn - fór í Body Pump tíma - svona tími með lóðum - og í byrjum tímans voru 4 fullfrískir strákar með jafnmikið á stönginni eða minna en ég,halló! Þetta er ekki eins og á Íslandi,þar sem að karlmennirnir eru að bugna undan lóðunum. Kannski er þetta þessi 'ligeglad' fílingur?

Er æskilegt að vera ofurhúsmóðir?

2006-11-07T17:28:00.000+01:00

Ég var í hami í gærkvöldi og hefði átt að skrifa um þetta þá,en skrifa nokkrar línur núna. Var komin með algjört ógeð á því sem á eftir að gera í íbúðinni - erum ekki komin með eldhúsborðsstóla,loftljós(nema eitt í forstofunni) og svo er ansi mikið af dóti sem á eftir að ganga frá í svefnherberginu. Það orsakast aðallega af því að okkur vantar skápapláss í svefnherberginu. Ekki það,íbúðin er í ágætis standi,það er bara týpískt dót sem á eftir að ganga frá þegar maður flytur. Alla vega,það skiptir ekki öllu máli hvað þarf að gera,heldur það að ég er stundum haldin svona "frustration" að vera ekki "ofurhúsmóðir" - með gjörsamlega allt á hreinu í íbúðinni,allt þrifið og þvegið og snyrtilegt og glansandi. Ég veit ekki hvaðan þetta kemur,held í raun að það sé ekki hægt að vera ofurhúsmóðir og hafa líka allt annað í góðum málum,t.d. að sinna börnunum sínum eða að sinna manni sjálfum,fara í ræktina t.d. Ég fékk þennan ofurpirring þrátt fyrir að ég hafi bæði bakað kryddköku um daginn og eldað ofurholla grænmetissúpu (við erum ekki að tala um Knorr).

Hvað segið þið - er hægt að vera ofurhúsmóðir og er það í raun eitthvað sem maður á að stefna á?

2 tönnslur í viðbót

2006-11-07T17:15:00.000+01:00

Grímur Logi stóri strákur er kominn með 2 tennur í viðbót við hinar 6. Hann virðist taka tanntökuna með trompi,þegar hann er á annað borð að þessu,nú komu 2 í einu niðri við hliðina á framtönnunum. Ég er búin að vera að gera hann hálfgeggjaðan á að þreifa upp í hann að reyna að sjá og finna tennurnar,það er talsvert erfiðara núna heldur en þegar hann var 7 mánaða! Þessar 2 nýju tennur sem komu fyrir 3 dögum (4. nóv) ættu að útskýra af hverju hann var búinn að vera vakna aðeins á kvöldin og líka á morgnana þegar hann blundar - og þegar hann vaknaði fyrir 5 fyrir fáeinum dögum:)

Greyið er komið með kvef og fór ekki á vöggustofuna í dag eða í gær. Akkúarat þegar náði fínum degi þar á föstudaginn..kom með hann rétt fyrir 12 og sótti hann kl.16 - alveg týpískt að fá svo kvef,óh well.

Annars erum við í góðu standi hér. Við Grímur háðum smá rimmu í hádeginu (nei,ég segi svona). Var að reyna að fá hann til að borða stappaðar sætar og venjulegar kartöflur. Hann var ekki mjög hrifin af því,var miklu hrifnari af gríska jógúrtinu. Svo blandaði ég smá kartöflustöppu saman við jógúrtið og hann lét sig hafa það.

Nú er mikið sport að fara inn í eldhúskrók og stilla sér upp við glerhurðina,sleikaja hana aðeins og gretta sig - og þá á ég að vera hinu megin við hurðina og gera svipað og svo kíki ég fyrir hornið á hann (í gegnum hitt hurðaropið-þetta er mjög flókið) og það er rosalega sniðugt. Æ,hvað þetta er ljúft líf.

Grímur Logi skrifar...

2006-11-04T23:23:00.000+01:00

Er ekki kominn tími til að ég skrifi á þessa blessuðu bloggsíðu? Jú, þó fyrr hefði verið! Það er erfitt að kynnast fólki í gegnum sögusagnir eingöngu. Mig langar því að segja aðeins frá sjálfum mér og lífinu hér í Kaupmannahöfn.

Nafn og aldur: Ég heit Grímur Logi, eins og þið væntanlega vitið, ég er 10 mánaða og 19 daga gamall, það styttist því í stórafmæli.

Matur: Mér finnst gott að borða! En hverjum finnst það ekki. Mér er hins vegar að sjálfsögðu ekki sama hvað ég borða og læt þá skoðanir mínar í ljós. Í dag var pabbi til dæmis með einhverja tilraunastarfssemi og setti perur út í grísku jógúrtina mína. Ég reyndi að vera kurteis til að byrja með og borðaði jógúrtina og skilaði perubitunum snyrtilega út úr mér um leið. Eftir nokkrar skeiðar sá ég þó að þetta gengi ekki lengur, ég neitaði að borða jógúrtina með perunum og kom pabba í skilning um það að ég mundi ekki borða meira fyrr en ég fengi “orginal” jógúrtdósina á borðið án allra heimatilbúinna viðbóta. Hann gaf sig á endanum karlinn, sýnir að stundum verður maður bara að vera harður.
Ég á nú ekki sérstaklega auðvelt með að nefna uppáhaldsmat, það kemur ýmislegt til greina. Ég er t.a.m. mjög hrifinn af hafragraut og borða mikið af honum. Gríska jógúrtin finnst mér líka frábær og svo smakkaði ég pizzu í gær og leist mjög vel á þann mat. Áður en ég hætti að tala um mat þá verð ég að nefna blessað rúgbrauðið. Ég hef komist að raun um að ekki verður komist hjá að láta sér það lynda ætli maður sér að tóra hér í Danmörku. Ég geri því mitt besta við að koma því niður þrátt fyrir að ég kúgist alltaf á fyrsta bitanum – þetta er vont en það venst.

Leikföng: Leikföng geta verið ágæt og ég dúlla mér oft við að skoða einhver leikföng, sérstaklega ef hægt er að ná þeim í sundur. Annars leik ég mér líka mikið með heldur óhefðbundin leikföng og þá finnast mér föt og allskonar tuskur mjög heillandi: hreinar, skítugar, blautar þurrar. Best finnst mér ef ég kemst í bala fullan af fötum, þá uni ég glaður við mitt mínútunum saman.
Uppáhaldsleikfangið mitt, það er auðvelt að nefna það. Það er hún mamma. Ég get klipið, nartað, slefað og klappað henni hvar og hvenær sem ég vil og svo gefur hún frá sér hin ótrúlegustu hljóð, grettir sig, hoppar, dansar og syngur með slíkum tilþrifum að við pabbi verðum gapandi hissa. Þegar ég verð loks þreyttur af öllum hamaganginum þá faðma ég hana og við róum hvort annað niður.

Orðaforði: Eins og þið sjáið af skrifunum þá er orðaforðinn í fínu lagi (a.m.k. miðað við að ég er bara 10 mánaða). Ég er hins ekkert að segja öll þessi orð upphátt. Einu orðinn sem ég segi upphátt eru “pabba” og “datt”, svo kann ég alveg að segja “mamma” en mér finnst svo gaman að stríða mömmu svo ég nota það mjög sjaldan.

Staður: Það jafnast náttúrulega fátt á við gott kaffihús, en uppáhaldsstaðurinn minn er nú samt uppi í rúmi hjá mömmu og pabba, snemma á morgnana þar sem þau liggja nánast meðvitundarlaus og ég get kastað mér á þau og bitið þau í nefið, tosað í eyrun eða hvað sem mér dettur í hug.

Tennur: Þær voru lengi vel sex en í gær bættist sú sjöunda við!!! Mamma hamaðist í gær og í dag að þreifa á góminum mínum til að staðfesta að hún væri komin.

Áhugamál: Ég hef ýmis áhugamál: fara á kaffihús, borða góðan mat, lesa bækur og hlusta á tónlist. Dansinn á þó hug minn allan, hann er stór hluti af lífi mínu og ég reyni að flétta hann inn í flest það sem ég geri, hvort sem ég er í vagninum mínum, er að fá mér að borða eða hvar ég er. Dansinn er það fyrsta sem ég gef mig að þegar ég vakna á morgnana, þá förum við pabbi fram í stofu, pabbi setur á disk í græjurnar, helst létta sveiflu og ég tek sporið - besti tími dagsins.

Mottó: “Lífið er einn dans…”

Jæja, ég vona að þið séuð einhverju nær. Annars líkar mér prýðilega hér í Kaupmannahöfn, ég er byrjaður á vöggustofu sem mér líkar alltaf betur og betur við. (Viðurkenni að mér leyst ekkert á þetta til að byrja með). Ég sakna hins vegar allra heima á Íslandi, þó sumir hafi sem betur fer heimsótt mig nú þegar: amma Hanna, afi Sturri, Afi Hallur og Amma Dúna komu í september og afi Ægir, amma Ragna og Ingólfur frændi komu í október. Það væri æðislegt að fá alla í heimsókn, þó ég hafi verið pínulítið hræddur til að byrja með. Ég er nefnilega ekkert sérstaklega mannglöggur, hef það sennilega frá pabba mínum. Að lokum lét ég fylgja með mynd af mér (og pabba) þar sem ég vinka til ykkar allra, myndin er tekin meðan ég er að skrifa þessi orð.

Mínar ljúfustu kveðjur,
Grímur Logi Hallsson

Lítill drengur á vitlausu tímabelti

2006-11-03T21:09:00.000+01:00

Hér var stuð í nótt þegar Grímur Logi vaknaði korter í fimm og var ekkert á því að sofna aftur. Pabbi tók hann að sér,reyndi fyrst að svæfa hann aftur en svo var gefist upp og farið fram í stofu. Spurning hvort að sé tönn að stríða honum eða hvað,hann er alla vega búin að vera að vakna aðeins á kvöldin eftir að hann sofnar.
Annars er hann kominn á ágætis skrið á vöggustofunni,var í raun aðeins erfiðara að byrja aftur eftir tæplega 2 vikna pásu,heldur en þegar hann byrjaði fyrst. Í dag var hann sáttari og skreið um og slíkt. Ég kom með hann rétt fyrir 12,hljóp í dönskuna og sótti hann kl.4 - þá var hann sofandi úti.

Ég er að fara á morgunn á undirbúningsdag fyrir söngnám sem ég er spennt fyrir og byrjar í febrúar. Þetta verður n.k. "Masterclass" og svo eiga allir að syngja,þar á meðal "moi" - og er dálítið stressuð - en hlakka samt til líka. Ég hlakkaði til í vikunni ... en nú er dálítið stressuð:) Þetta verður örugglega mjög gaman. Segi ykkur seinna hvernig gekk. Ég er svo mikil raggeit að ég sé fyrir mér að ég sé búin að syngja og svo segi kennarinn við mig : bíddu,þetta gengur ekki,þetta var alveg ómögulegt. Humm...þýðir ekki að hugsa svona! Þetta verður gaman..gaman...gaman!!!

Var að græða klukkutíma

2006-10-30T21:35:00.000+01:00

Var að leggja Grím minn niður til svefns áðan. Við borðuðum saman afgangs hakk og spagettí,svo Grímur fór í maraþonbað. Eftir það leit ég á úrið mitt og hugsaði,nei heyrðu mig,rosalega vorum við lengi í baði,klukkan var sem sagt 6 mínútur yfir 8,ég sem er að reyna að koma Grími fyrr í háttinn (háttatíminn var farin að nálgast hálf tíu) og ætlaði að setja hann í rúmið kl.8,ansans! Svo var litli gaurinn svæfður og það tók reyndar um hálftíma. Kom svo fram og hugsaði : úff,ég á eftir að gera svo mikið,læra dönsku,ganga frá,hitt og þetta og klukkan er orðin 9! En nei,nei..úrið sem hafði litið á var á 'gamla tímanum',í gær var klukkan í Danmörku sett á vetrartíma,sett 1 tíma til baka. Þannig að klukkan var bara rúmlega 8,litli gaur sofnaður og ég var að græða klukkutíma!

Beðið eftir Elísabetu

2006-10-13T16:47:00.000+02:00

Sit hér heima,Grímur er sofandi og bíð eftir Elísabetu. Karertu? Ég segi svona,er svo spennt að fá hana í heimsókn.

Þurfti að fara snemma úr dönsku í dag,það var hringt í mig á vöggustofunni og beðin um að sækja Grím. Grímur greyið var byrjaður að kvefast í gær,vaknaði í nótt og átti bágt. Mér fannst þó ágætlega stemmdur í morgun og ákvað að láta reyna á þetta. Þegar þær hringdu var hann e-ð lítill greyið og vildi bara láta halda á sér og rann úr nebbanum. Vonandi verður hann ekki mjög slappur.

Heyri í ykkur eftir helgi - hlakka mjög til að eyða tíma með Elísabetu og Agnesi vinkonum.

Nu skal man snakke dansk

2006-10-11T10:23:00.000+02:00

Ég byrjaði á dönskunámskeiðinu í gær og er að sjálfsögðu mjög ánægð. Reyna á heilan: vííí... tilbreyting frá mömmustússi:vííí... Skólinn er hér nálægt okkur,ca korter að labba og kennir reyndar mun fleira en dönsku fyrir okkur útlendingana. Með mér í tímanum var fólk frá Pakistan,Kína,Englandi,Filippseyjum,Þýskalandi og að sjálfsögðu frá gamla góða Íslandi (2 stelpur). Þessi dönskukennsla er í raun hlaupandi námskeið,maður getur verið í þessu í ansi langan tíma,veit ekki til þess að séu takmörk á því hvað maður getur verið lengi. Nýtt fólk getur byrjað í hópnum hvern mánudag. Ég er núna á þriðja 'módúl' og svo getur maður tekur próf eftir 2,3,4 mánuði til að komast á næsta módúl. Kennslan er hverja virka daga nema miðvikudaga. Og hvað gerir maður þegar að unginn manns fer á vöggustofu í 3-4 tíma,jú,maður þrífur! Veii...

Það er eins gott að taka til hendinni áður en að Elísabet snyrtipinni,vinkona,kemur til okkar á morgun:) Hún kemur frá London til að kíkja á okkur Agnesi vinkonu og dást að börnunum okkar :) Á t.d. eftir að sjá Mána litla hennar Agnesar,sem að fæddist í júní.

Í gær var Grímur á vöggustofunni frá ca 11 til 3,þá sótti pabbi hans hann. Var hinn rólegasti að dunda sér þegar að Hallur kom. Hann er ekki að æsa sig að óþörfu og vill örugglega skoða vel svæðið og skanna fólkið og krakkana áður en hann fer að láta meira á sér bera.

Klósettburstinn bíður ! Hálftími í að Grímur vakni og þá er eins gott að vera búin að hafa allt tilbúið áður en maður fer út úr húsi.

Gengur vel hjá Grími

2006-10-06T23:18:00.000+02:00

Í dag fórum við í þriðja sinn á vöggustofuna. Grímur sofnaði á leiðinnni þangað á sínum venjulegan tíma. Svo vaktí ég hann eftir að hann var búin að sofa í um 70 mín og fór með hann inn. Þar tók hún Dorthe við honum,ein af fóstrunum og jafnframt yfir vöggustofunni allri. Ég skrapp fram á kaffistofu og á meðan fékk Grímur að borða og drekka,lék sér og var skipt á honum. Allt þetta fór fram án þess að hann kvartaði! Mikið var ég ánægð:) Drengurinn er þessa dagana alger mömmu og pabbastrákur,enda búinn að vera mikið einn með honum,enn meira einn með okkur af því að vorum að flytja og erum ekki búin að vera í kringum stórfjölskyldur okkar og fleiri. En hann er jú í sérlegu góðu jafnvægi og hann höndlaði þetta vel í dag án mín í um 50 mínútur. Sem sagt...ánægð mamma og ánægður Grímur.

Eftir þetta flýttum við okkur heim - ég var búin að bjóða 2 íslenskum stelpum sem eru hér í byggingunni í hádegiskafif með krílin sín. Ein er með rúmlega 2 ára stelpu og 6 mánaða strák og hin með strák sem er 3 vikum eldri en Grímur. Það var því fjör og gaman hér í dag. Það var mjög gaman að hittast og kjafta og pústa :)

Á morgun verður ekki venjulegur fjölskyldudagur eins og við reynum að hafa laugardagana því að Hallur þarf að vinna í verkefni með hópi úr skólanum. Við Grímur ætlum þó í barnaafmæli til Agnesar vinkonu.

Grímur og Rauði Krossinn

2006-10-04T23:06:00.000+02:00

Fyrsti dagurinn á vöggustofunni hans Gríms var í dag,eftir 2 veikindadaga heima. Á myndinni lengst til vinstri er hann að undirbúa sig heima áður en við leggjum í hann,að fara yfir nýju bókina sína Den lille bondegård. Á næstu erum við fyrir utan heima að leggja í hann og á þeirri til hægri erum við á vöggustofunni. Þar tóku á móti okkur 3 fóstrur,ég talaði mest við hana Dorthe. Þær voru reyndar ansi uppteknar þegar við komum í matartímunum að sinna litlu álfunum og svo að hafa þau til fyrir hádegisblund. Á morgun mætum við fyrr,í kringum 9 og þá spjöllum við betur við þær. Í dag var ég stutt með hann,ca 45 mín,heilsuðum upp á krakkana og spjölluðum við fóstrurnar. Okkur líst bara vel á. Þarna voru börn frá 7 mán og upp í tæplega 3 ára. Grímur er s.s. næst yngstur. Einhverra hluta vegna er vöggustofan kennd við Rauða Krossinn og á að vera einhvers konar sjálfstæð stofnun,þótt maður sjái það ekki neitt í raun.

Eftir heimsóknina á vöggustofuna kíktum við á kaffihús við hliðina á Frederiksberg Centret,'mallinu' í Frederiksberg,sem er við hliðina á skólanum hans Halls. Hallur kom svo og heilsaði upp á okkur. Svo fórum við Grímur í barnabúð í Österbro og versluðum þar aðeins. Tók okkur svo 40 mín að koma okkur heim í strætó í ansi mikilli umferð og Grímur orðinn þreyttur og pirraður.

Best að koma sér í háttinn og vera vel upplagður fyrir daggæsluna á morgun.

Fyrsta degi á vöggustofu frestað

2006-10-02T05:47:00.000+02:00

Elsku Grímurinn er orðinn veikur þannig að hann fer ekki á vöggustofu í dag eins og var ætlunin. Hann byrjaði á því að kvefast um helgina og nú í nótt var hann kominn með hita. Ferlega leiðinlegt. Vonandi verður hann tiltölulega fljótur að jafna sig.

Svo er ég líka komin með óþverrakvef,það helltist yfir mig á klukkutíma að mér fannst. Hellti í mig Flensubana og fleira frá Jurtaapótekinu,en náði varla að grípa í skottið á pestinni.

Gestir og góða veðrið.

2006-09-27T10:27:00.000+02:00

Loksins er sólin farin...þetta hljómar kannski undarlega-en ég er fegin að fá smá hlé,það er búið að vera rosalega gott veður með sól og 20-25 stiga hita og við gardínulausa fólkið þjáumst stundum af hita hér inni. Þá drífur maður sig að sjálfsögðu út og dundar sér við hitt og þetta,sem er besta mál. Ég á eftir að koma mér betur fyrir og einhvern er skárra að gera það þegar maður er ekki að mæna á góða veðrið úti.

Nú er Grímur sofandi og þá vegur maður og metur-hvað á ég að gera. Ég ætti að setja í uppþvottavélina og þvottavélina og taka til og ganga frá síðustu kössunum og fara í sturtur,og ...og.. en svo væri líka gott að leggja sig:) Þessi mamma fór mjög seint að sofa og var vel mygluð í morgun. Er núna að æfa mig í dönskunni og horfa á 'Par på pröve',þar sem að 2 fjölskyldur skipta út mömmunum í 8 daga..þið kannist kannski við svipaðan hátt. Mér fer alla vega fram í að skilja dönskuna.

Síðustu helgi komu mamma Halls og Sturri og amma og afi Halls í heimsókn yfir helgina og það var virkilega gaman. Við spókuðum okkur og fögnuðum svo fimmtugsafmæli Hönnu á föstudeginum. Borðuðum hádegismat á svaka fínum veitingastað í Tívolíinu,The Paul. Það er ekki nóg með að Grímur hafi farið á hin og þessi kaffihús og veitingastaði heldur er hann núna búinn að borða á Michelin stjörnu veitingastað,geri aðri betur. Við vorum ekki viss um hvort væri heppilegt að fara með hann,en þetta var mjög hentugt því að það voru bara matargestir á einu öðru borði og Grímur gat skriðið um og skoðað að vild.

Hanna og Dúna amma Halls héldu uppi verslunarheiðri Íslendinga,versluðu eitthvað á sig og að sjálfsögðu á litlu börnin í fjölskyldunni,þetta eru sko manneskjur með þol.

Laugardagskvöldið pössuðu þau Grím á meðan við Hallur bóhemarnir hjóluðum í bíó og sáum mynd Al Gore,An Inconvenient Truth. Það er ekki óþarfa rómantík hér á bæ,við hjóluðum í bíó og horfðum á mynd um gróðurhúsaáhrifin. Myndin var reyndar ekki bara dómsdagsleg,heldur líka fræðandi og áhugaverð- þið verðið endilega að sjá hana.

Nú ætla ég í Formúlukappakstur eins og hef minnst hér á áður - að sinna heimilisverkum áður en gullmoli heimilisins vaknar.

Ég er búin að setja nýlegar myndir á flickr síðuna,á eftir að bæta við myndum frá Lanzarote.

Ömmur gráta & Tengd umheiminum

2006-09-13T19:34:00.000+02:00

Hvað haldið þið? Mín er orðin nettengd! Við fengum áðan ADSL módem og mín stakk öllu í samband og það bara virkaði,alveg ótrúlegt. Mikið var segi ég, erum búin að bíða eftir þessu í um 2 mánuði!

Hvar á ég eiginlega að byrja... ég mætti hingað til Frederiksberg með Grímsungann þann 1. september og þar með var öll fjölskyldan flutt. Hallur mætti hingað daginn áður og var búinn að tæma gáminn og setja upp í íbúð þegar ég kom. Þó það nú væri, ég pakkaði nú búslóðinni niður á meðann hann sökkti sér í dönskuna hér í Köben.

Ég mætti s.s. hingaði um kvöldið 1. sept. og settist niður við tölvuna til að setja færslu hér á bloggið og hélt að við værum nettengd. En það var misskilningur hjá mér,Hallur hafði bara komist aðeins á þráðlaus opin net sem eru einhvers staðar hér í kring og það var frekar óstöðugt. En nú á að bæta úr fréttaleysinu...
Daginn sem við flugum hingað til Köben skutlaði Hanna,mamma hans Halls okkur á heilsugæsluna á Seltjarnarnesinu frá Skaganum,þar tók mamma við okkur - við vorum s.s. bíllaus. Hanna kvaddi okkur þar og var erfitt fyrir greyið ömmuna. Svo fór Grímur í skoðun og sprautu og við fórum heim með mömmu,lögðum okkur og fórum svo tímanlega út á völl. Mamma bar sig ansi vel fannst mér þegar við kvöddumst en heyrði svo í henni þegar við vorum komin í gegn og þá hafði hún stoppað á Kaffitári í Njarðvík til að jafna sig. Æi,það er ekki auðvelt fyrir ömmurnar að litli Grímur flytji til útlanda.

Við Grímur erum búin að vera dugleg að skoða okkur um í nágrenninu, í Frederiksberg og Nørrebro,við erum alveg nyrst í Frederiksberg,alveg við Nørrebro. Það gengur hægt og rólega að koma okkur fyrir,okkur vantar aðeins meiri hillu og skápapláss,þarf að græja það sem fyrst. Maður verður frekar þreyttur á að vaða pappakassana - en þetta hlýtur allt að koma.

Í gær fórum við og skoðuðum vöggustofuna þar sem Grímur byrjar 1. október og leist bara vel á. Hún er kölluð Røde Kors vöggustofan,s.s. Rauða Kross vöggustofa, doldið skondið. Þar spjölluðum við við eina fóstruna á meðan að börnin voru sofandi úti í vögnum. Vöggustofan er nokkuð nálægt,tekur örugglega tæpt korter að labba og auðvitað fljót að hjóla. Við sóttum um pláss fyrir Grím í daggæslu seinni part júlí,þannig að það er frábært að vera búin að fá pláss fyrir hann.

Er með fullt af myndum frá Lanzarote sem ég mun hlaða inn á flickr síðuna sem fyrst.

Sem sannur Íslendingur verð ég að minnast á veðrið,það er búið að vera frábært:) í gær og í dag voru um 23-25 gráður og sól,alveg frábært að teygja sumarið.

Flutt!

2006-09-09T23:42:00.000+02:00

Þá er litla fjölskyldan flutt! Nú er liðleg ein vika síðan við fluttum og við erum hægt og bítandi að verða búin að koma okkur fyrir, aðeins fáeinir kassar eftir. Að vísu eigum við eftir að fjárfesta í eldhúsborði og stólum í stíl og eins og við er að búast þessi væntanlega fjárfesting þegar farin að valda titringi og togstreitu á heimilinu. Við vonum þó hið besta, okkur tókst a.m.k. að kaupa bæði brauðrist og ryksugu í vikunni án of mikilla slagsmála.

Þá vitið þið það, það að kaupa eitthvað annað og meira en mjólkurlítra getur valdið hugaræsingi og óvæntum uppákomum innan fjölskyldunar á stundum. Veit ekki alveg hvernig á því stendur en reikna með að þetta hafi að gera með ólíkan innkaupsstíl og óbilandi þrjósku beggja hlutaðeigandi - Hildigunnur kallar það reyndar nöldur í mínu tilfelli. Yfirleitt er það þannig að ég vil kaupa e-ð ódýrt og yfirleitt það fyrsta ódýra sem ég sé, því ég lít á hverja mínútu sem ég eyði í að skoða búsáhöld, matvöru, húsgögn eða þess háttar sem glataða og það sama á við um krónurnar sem fara í þetta. Minn betri helmingur (eða þriðjungur) þarf hins vegar að rannsaka markaðinn af sömu nákvæmni og vísindamönnum tókst að kortleggja genamengi mannsins. Nú er t.a.m. ekki til sú ryksuga í norður-evrópu sem Hildigunnur er ekki búin að skoða með tilliti til sogkrafts, rafmagnsnotkunnar, verðs og samfélagslegrar virðingar (þ.e. snobbstuðull) svo e-ð sé nefnt. Svona er nú lífið.

Skólinn er byrjaður og ég byrjaður að troða marvaðann í djúpu lauginni. Ég skal alveg viðurkenna það að ég get ekki farið orðrétt með fyrirlestrana sem ég sat í þessari viku, en þetta kemur allt – humm... Ég velti því mikið fyrir mér hvernig ég geti talað sem mesta dönsku, skásta hugmyndin sem ég hef fengið hingað til er að byrja að sækja kirkuna hérna í nágrenninu, sem ég helda að sé jésúíta kirkja eða e-ð slíkt. Síðan mundi ég þurfa að hitta prestinn reglulega til að fá uppfræðslu í trúnni og í kjölfarið taka þátt í umræðuhópum nokkrum sinnum í viku. Líst ykkur ekki vel á þetta? Það er sunnudagur á morgun svo kannski við Grímur skellum okkur?

Talandi um Grím Loga þá er hann að gera góða hluti hérna í Danmörku. Hann skríður um allt og stendur upp hvar sem hann getur. Það hefur því hentað honum prýðilega að hafa pappakassa um alla íbúð. Fram að þessu hefur Grímur verið mikill rólyndis piltur en með sínu nýfundna frelsi þá er hann orðinn hinn mesti gaur og veður áfram með fyrirséðum afleiðingum, þeim að detta á hausinn. Í gær valt hann um koll í raftækjaverslun og lenti á trébretti svo eyrað rispaðist og bólgnaði aðeins. Í morgun þegar við feðgarnir áttum saman góða stund og Grímur lék sér með boltan sinn þá datt hann fram fyrir sig og efrivörin er nú tvöföld. Hann er því flottur á velli strákurinn minn þessa stundina. Annars er þetta nú í góðu lagi, verra er að karl greyið er orðinn kvefaður með tilheyrandi pirringi, varð það bara í dag.

Kv.
Hallur

This just in !

2006-08-11T18:05:00.000+02:00

Hallur kom til landsins í nótt!

Erum á fullu að ganga frá í íbúðinni!

Gámurinn var að koma!

Búin að setja inn myndir frá Svíþjóð og Danmörku!
http://www.flickr.com/photos/hildigunnur99/sets/

Erum að fara í Skorradal í bústað í eina nótt!

Enginn gamli ís [6.ágúst]

2006-08-11T18:04:00.000+02:00

Dóh! Fór út áðan til að verðlauna mig fyrir ómælda vinnu í búslóðapakkningum,búin að líma fyrir kassa númer 52. Trítlaði í ísbúðina frægu hér í vesturbænum til að fá mér gamla ísinn og það var lokað,algjört skúffelsi! Sá að fleiri voru í sömu erindagjörðum og ég. Það var ekki einu sinni opið í ísbúðinni á Furumelnum þannig að ég endaði á stórum,grænum Hlunki í Select. Og nú heldur baráttan við svefnherbergið áfram...

Í kapphlaupi við tímann [4.ágúst]

2006-08-07T15:41:00.000+02:00

Man ekki hvort ég hef hér áður líkt móðurhlutverkinu við að vera Formúlu kappaksturstöffari,maður er sífellt í kappi við tímann: hafa morgunmat til handa unganum þegar hann bíður óþolinmóður og kvartar...drífa sig út í vagninn með allt okkar hafurtask á meðan að unginn er ekki til í að dunda sér einn og vælir og skammast...þið skiljið hvert ég er að fara. Nú hefur bæst við að pakka niður einni búslóð,ég og Grímur erum komin heim og Hallur varð eftir í Danmörku að tækla dönskuna. Pakka niður eitt stykki búslóð með einn 7 mánaða sem er kominn með mömmuveikina?...ekkert mál!

Grímur hefur reyndar verið í pössun hluta af degi mánudag til fimmtudags og svo fékk ég smá pössun í dag og mamma er búin að taka 2 fínar rispur með mér í pökkun, sem betur fer fæ ég aðstoð,því annars gengi ekki neitt.

Við höfðum rosalega fínt á ferðalagi í Svíþjóð og Danmörku,í hita og sól. Fórum fyrst til Stokkhólms til vina okkar,Magnúsar og Sædísar,vorum þar þrjú pör ásamt börnum. Þar var haft það gott,röltað um borgina,fórum á Astrid Lindgren safnið að heimsækja Línu Langsokk,borðuðum fullt af góðum mat og kældum okkur í barnalauginni í garðinum.

Svo tókum við lest til Árósa til Garðars,vinar Halls og fjölskyldu. Þar fórum við á Aros,svaka flott listasafn,skoðuðum sögulega gamla bæinn,röltum um miðbæinn,sem er mjög huggulegur ... nú og borðuðum og drukkum smá bjór,hvað annað...

Lokaáfangastaður var Kaupmannahöfn,tilvonandi heimabær okkar. Þar vorum við í lítilli stúdíóíbúð lengst hjá flugvellinum (sem að sumir aðrir en ég pöntuðu,ahömm..). Þar byrjaði Hallur í dönskukennslu og við höfðum líka tíma til að skoða okkur um út um allt,miðbænum,Norrebro,Íslandsbryggju og videre. Við náðum að skoða nýju (leigu)íbúðina okkar í Frederiksberg og svipuðumst um í hverfinu og leist mjög vel á.

Tveir kassar í viðbót áður en ég fer í háttinn og á morgun heldur baráttan áfram.

Hvað gerir Grímur? 3 [3. júlí]

2006-07-03T06:30:00.000+02:00

Litli snáðinn byrjaði fyrir alllöngu að snúa sér af bakinu á magann. Einn sólríkan dag vorum við á ferðinni út um allan bæ eftir jóga tíma,Grímur svaf í vagninum á meðan við röltuðum í gegnum Laugardalinn og kíktum í dótabúðina Einu sinni var,í Skeifunni. Svo hoppuðum við upp í strætó á Grensásinum,enduðum á Hlemmi og spókuðum okkur á Laugaveginum. Þar fórum við inn í sniðuga búð sem heitir Sipa og er m.a. með æðislegt barnadót. Ég hélt á Grími inni og var svo fegin þegar sá gúmmímottu svipaða og vð eigum og lagði Grím á hana. Það var dót á mottunni sem Grími fannst greinilega spennandi og var að teygja sig í það,ég leit af honum andartak og svo sá ég að hann var kominn á magann! Duglegur strákur.

Hann var fyrir löngu byrjaður að snúa sér af maganum á bakið,enda var ekki gaman í gamla daga að vera á maganum. Svo um þetta leyti sem hann fór að snúa sér á magann,tók hann góðu pásu í því að snúa sér á bakið. Maður verður stundum að einbeita sér að einum hluti í einu.

Svo byrjaði hann að sitja 6 1/2 mánaða,einhvern veginn gerðist það 'allt í einu'. Hann var búinn að vera dálítið í Bumbo stólnum,þótt hann hafi ekki verið í ógurlegu uppáhaldi. Hann endaði gjarnan á því að hanga af hliðinni að skoða gólfið við hliðina á sér. Það er þvílíkur munur að geta rannsakað heiminn uppréttur, í staðinn fyrir að vera sífellt á bakinu. Nú getur hann líka dundað sér meira einn og maður sér mun á því,hvað hann getur verið aðeins lengur að bardúsa einn með t.d. leikfang.

Þegar maður er orðinn góður í að sitja,er maður sáttari við að vera í matarstól,eins og Tripp Trapp stólnum og það er gott að skella sér í hann og fylgjast með mömmu t.d. inni í eldhúsi,ef hún er að bardúsa þar.

Birkibælið til Danmerkur

2006-06-28T01:00:00.000+02:00

Nýjustu fréttir eru þær að við fjölskyldan erum á leiðinni til Danmerkur í haust! Hallur ætlar að skella sér í mastersnám við Copenhagen Business School sem að tekur rúmlega 2 ár. Ég ætla að klára fæðingarorlofið þar úti og fara vonandi á söngnámskeið eftir áramót.
Já,það verður nóg að gera á næstunni...förum í heimsóknir til Svíþjóðar og Danmerkur að heimsækja vinafólk í Stokkhólmi,Árósum og Kaupmannahöfn. Hallur verður líklega eftir í Köben og fer í stresskasti heim að pakka búslóðinni niður,he,he. Svo förum við til Lanzarote í ágúst og svo er komið að því að færa sig yfir til Danmerkur,þvílíkt spennandi og nú þarf að efla í sér ofurmömmuna að græja okkur fyrir haustið.

Annars var ótrúlega ljúft í Englandi eins og hefur komið fram. Svo komum við heim í rigninguna og í raun búin að hafa það fínt þrátt fyrir dropana. Grímur Logi er svo ótrúlega skemmtilegur finnst manni,alltaf að koma betur í ljós persónuleikinn og svo byrjaði hann að sitja í þar síðustu viku,6 og hálfs mánaða gamall. Svo verður friðurinn alveg úti þegar hann fer að ferðast um á fjórum,ja hérna - ef maður heldur að það sé annasamt núna að vera með krílið sitt:)

Hér er Grímur daginn eftir að varð 6 mánaða,tók út töluna 6 úr leikmottunni sinni,hefur aldrei gerst áður og tók akkúrat rétta tölu,þvílíkur snillingur! (myndavandræði á blogger arg)

Um helgina komu pabbi,Ragna Margrét og Ingólfur Páll í grillmat hingað til okkar. Var með þvílíkar gott lambafille ribey,eins og kallaðist í kjötborðinu með asískri hoisin sósu,umm,nammi gott. Svo var heimabakað brownies í eftirrétt sem við Ingólfur Páll göldruðum fram.

Á morgun á að stússast í bænum,kaupa afmælisgjöf og kannski dálítið á Grím (uss,ekki segja Halli)...

Yndislegt í Englandi

2006-06-12T11:49:00.000+02:00

Við Grímur höfum það einfaldlega yndislegt í Englandi með Elísabetu vinkonu og fjölskyldu hennar í Kent (ca 50 mín í lest frá London). Við erum búin að slappa hér af og fara í næsta stærri bæ,sem heitir Tunbridge Wells,skoðuðum okkur þar um,borðuðum kvöldmat einu sinni og daginn eftir plataði ég Elísabetu á 'farmer's market',n.k. matarmarkað og svo löbbuðum við um og ég verslaði,aðallega á Grím. Nú er svo ferlega gaman að kaupa föt og leikföng handa litla gaur.

Svo er Arngunnur systir búin að vera með okkur líka. Hún kom hingað á föstudagskvöldið og það voru miklir endurfundir hjá okkur og Grími á lestarstöðinni. Hún fór svo aftur að vinna daginn eftir og kom í gær sunnudag,með kærastanum sínum Alden. Við vorum hér í gær í góðu eftirlæti,spjölluðum,skoðuðum okkur um og borðuðum góðan mat í þvílíkt góðu veðri. Ég átti von á um 20-24 stiga hita en það er búið að fara upp í tæp 30 stiga hita,alvöru hiti þakka þér fyrir.

Planið er að taka því frekar rólega í dag,kíkja kannski í garða sem eru rétt hjá. Arngunnur kemur aftur í dag og planið er að fara rúnt á morgun.

Grímur er þvílíkt búinn að slá í gegn hér,er algjör smellur. Það heyrist bara hvað hann er góður og sætur og bestur ... og ég veit ekki hvað:)

Við förum aftur heim á miðvikudaginn...flugið hingað gekk rosalega vel - ég var búin að kvíða örlítið fyrir fluginu, en Grímur svaf á leiðinni út á völl og á meðan ég tékkaði mig inn,fékk að drekka við flugtak,var svo þvílíkt hress og sprellandi,töluðum aðeins við 2 mömmur og börnin þeirra,svo sofnaði hann um hálftíma fyrir lendingu...vonandi gengur líka vel flugið á heimleiðinni.

Förum nú til útlanda!

2006-06-07T14:26:00.000+02:00

Mikið var að heyrist í okkur! Það eru örugglega allir hættir að fylgjast með. Eftir hálftíma brunum við frá Birkimelnum og upp á Keflavíkurvöll með viðkomu hjá Sýslumanninum í Keflavík,þar sem sótt verður nýja vegabréfið hans Gríms. Við Grímur ætlum að vera í viku hjá Elísabetu í Englandi,í Kent,í sveitasælunni. Lofum að vera dugleg að skrifa fréttir þegar komum til baka. Var að bæta við nýjum myndum og nóg af fleirum á leiðinni. Auf Wiedersehen darling sweety pie!

P.S. Grímur var fyrir 4 mínútum að meiða sig í fyrsta sinn,var á gólfinu inni í stofu,ég heyrði sáran og snöggan grát og hljóp inn í stofu,þá hafði greyið skollið með höfuðið á neðstu hillu við hliðina á leikteppinu. Sem betur fer var þetta sárasaklaust en þessari mömmu brá heldur betur!

Pestin farin og vorið að koma (eða bara sumarið beint)

2006-05-05T13:00:00.000+02:00

Ekki búið að vera mikið að gerast í blogginu undanfarið,en nú á að ráða bót á því. Það var minna um að gerast en venjulega ca 2 vikum eftir páska,á meðan ég var að jafna mig á ferlegri pest,við erum komin almennilega aftur af stað núna. Reyndar var ég snýtandi mér í morgun og Grímur búin að vera með hósta,humm...

Erum núna á mömmujóganámskeiði nr.2,tók mig einmitt til á miðvikudaginn og tók strætó á miðvikudaginn í tíma,í staðinn fyrir að fá bílinn,það heppnaðist mjög vel,er fljótlegt og auðvelt. Þá gat ég líka látið Grím fara beint að sofa eftir tímann.. fór á Maður Lifandi með nokkrum úr jóganu í hádeginu og svo tókum við okkur til og löbbuðum heim,var samferða einni niður í bæ og svo dóluðum við Grímur okkur eftir það. Hann tók reyndar upp á því að vakan og gera stórt eftir einungis klukkutíma lúr þannig að honum var vippað inn á snyrtinguna á Kaffitári og svo tók ég með mér einn kaffi latté,nammi namm.

Það gengur mjög vel hjá okkur í ungbarnasundinu,Grímur er farin að njóta tímans enn meir,busla og brosar. Fór í kaf í þar síðasta tíma og tvisvar í síðasta tíma. Í þar síðasta setti Ólafur leiðbeinandi í kaf og svo í síðasta tíma setti ég hann fyrst og svo Hallur. Maður er smá nervus,en það gekk mjög vel. Reyndar eru þessar kafdýfur ekki aðal málið finnst mér,held bara að Grímur (og við) hafi mjög gott af þessu og styrki Grím,fyrir utan að vera gaman og örvandi fyrir hann.

Hér á Birkimel er vorhreingerning byrjuð,reyndar verður þetta algjör herferð,segi ykkur betur frá því síðar.

Er núna að setja inn fleiri myndir,er búin að vera löt í myndunum undanfarið,þetta kemur allt með vorinu.

Sjálfsafgreiðsla í dag

2006-04-25T18:39:00.000+02:00

Venjulega er hann Grímur mjög duglegur að sofa á nóttunni,eins og hefur kannski komið fram. Í gærkvöldi sofnaði hann um 11 áður ég byrjaði einu sinni á að syngja háttatímalagið 'Dvel ég í draumahöll og dagana lofa...'. Var afskaplega ánægð með þetta,en svo glaðvaknaði minn þegar við fórum að sofa kl. 1. (Já,ég veit,ég þarf að fara fyrr að sofa:) Þar sem við Hallur vorum sannfærð um að hann væri ekki svangur,heldur að láta reyna aðeins á okkur 'glímdi' Hallur við hann í um tvo tíma,ég var komin fram í sófa með sængina,enn slöpp eftir kvefpestina og að 'farast' úr hálsbólgu. Svo blundaði litli kútur þangað til ég læddist upp í rúm,kl.4 og þá var komin á drekkutíma. Svo hélt það fyrir mér vöku,hvað það var ferlega vont að kyngja,böhö átti svo bágt.

Kl. 7 vaknaði svo litli kútur og í fantastuði - ég stakk upp á að fengi frí í dag og það væri bara sjálfsagreiðsla á brjóstamjólkina. Hann íhugaði tilboð mitt og hafnaði því. Ég var s.s. virkilega mygluð þarna í morgunsárið.

En það er bjartara yfir núna,við fórum í göngutúr með Grím í Baby Björn burðarpokanum,komum við í Melabúð og eftir það steinsofnaði minn og liggur nú í vagninum við opna svalahurð. Ég er pásunni feginn og sötra minn pilsner (bara til að örva mjólkurframleiðslu:),um að gera að styðjast við svona skemmtilega mítu) og narta í sesambrauðsneið með geitaosti,nammi,namm.

Ein flensa,tveir úr leik

2006-04-20T01:48:00.000+02:00

Við fjölskyldan erum nú í rólegheitum heima,alveg sérlega miklum rólegheitum,þar sem að við Hallur liggjum í andstyggilegri flensu. Grímur er þó sem betur fer hress.

Við vorum fyrir norðan yfir páskana,í bústað sem er hinum megin við fjörðinn frá Akureyri,mjög skemmtileg staðsetning. Þar slöppuðum við af,röltum um bæinn,fórum í sund og nörtuðum í páskaegg. Borðuðum páskamatin með móðursystur hans Halls og fjölskyldu. Við enduðum reyndar kvöldið á spítalanum til að láta kíkja á Grím,hann hafði verið slappur,farin áð leka úr nefinu og með gröft í augunum. Það var sem betur fer ekkert alvarlegt,hann var með fimm kommur en annars í lagi með hann.
Ég var reyndar þá komin með sömu sýkingu í augað og að verða slöpp,lak úr augunum og ég vaknaði annað slagið um nóttina með samanlímd augun,mjög geðslegt.

Vonandi förum við að skríða saman, á morgun er 75 ára afmælisveisla hjá ömmu Halls og við viljum mæta með bros á vör.

Nóg af myndum og þarf ekki lengur lykilorð

2006-04-12T14:18:00.000+02:00

Er núna nóg inni af nýjum myndum á http://www.flickr.com/photos/hildigunnur99 - ég breytti uppsetningunni þannig að núna þarf ekki að skrá sig inn með notandanafni og lykilorði til að sjá nýjustu myndirnar,það reyndist allt of flókið. Áður þurfti bara að skrá sig á einfaldan hátt hjá flickr.com,en núna þarf maður að skrá í leiðinni netfang hjá Yahoo og er það of flókið til að allir nái því.
Kíktu því á myndirnar!

Vor í lofti

2006-04-12T14:13:00.000+02:00

Nú er vorið á næsta leiti,ég finn það í beinunum. En hvað ég hlakka til.

Við fórum í fyrsta tímann í ungbarnasundi í Reykjalundi hjá honum Ólafi í gær. Við höfðum farið með Grím í sund sjálf í annað sinn á laugardaginn,í Árbæjarlaugina. Sundið gekk mjög vel í gær - Hallur var á Laugarvatni í vinnuferð,þannig að pabbi kom með ofan í laugina og Ingólfur Páll bróðir og Ragna Margrét,konan hans pabba komu með,varð að heljarinnar fjölskylduferð. Mér líst virkilega vel á þetta,aðstaðan er frábær í nýlegri laug frá 2002 í stórum og björtum sal. Grímur tók þessu mjög vel,var orðin aðeins pirraður,því að var búin að vaka í þó nokkurn tíma,byrjuðum nefnilega á kynningu kl.5 og biðum svo til hálf sjö eftir tímanum okkar.

Mér sýnist að það sé skylda að fara út á eftir,litli andarunginn er sofandi núna en við skellum okkur út á eftir með vagninn.
Hafið það gott um páskana:)

Svefn hjá litlum snáða

2006-03-31T01:15:00.000+02:00

Í dag fórum við í göngutúr í bæinn í sólinni,sinntum hinu og þessu og hittum Sólveigu og Dúnu og fengum okkur hressingu á Te og Kaffi.

Ég er aðeins að fikra mig áfram með að koma rútínu á daginn hjá Grími,er reyndar komið í grófum dráttum,en vil hafa meira ákveðið hvernig er t.d. farið að sofa á kvöldin. Ég var svo ánægð þegar hann var minni,að sofnaði jafn vel sjálfur yfir daginn,en það er nokkurn veginn liðin tíð. Er að gera tilraunir með þetta núna og hann mótmælti vel og lengi í morgun og svo aftur seinni partinn,þegar hann var voða þreyttur og þurfti að sofna. Hann vildi líklega sofna í fanginu á mér,en ég lagði hann í vögguna,hann fór að gráta og ég tók hann upp eftir dálitla stund..og setti hann niður..og tók hann upp,o.s.frv. Er núna að lesa 'Draumaland',ný bók,eftir íslenskan svefnfræðing.

Ef þið sáuð ekki þáttinn Milli 6 og 7,á Skjá Einum í dag,var Sigrún vinkona þar. Hún og John,maðurinn hennar,eru með búð í Ingólfsstræti sem heitir Börn Náttúrunnar,er opið fimmtudaga-laugardaga. Þau eru með frábær leikföng og fatnað úr ull og silki fyrir börn og fullorðna,,bækur o.fl. Er frábær búð hjá þeim og góð hugsun að baki. Kíkið endilega á búðina - til að skoða,spjalla.. og hvað þá ef ætlið að kaupa gjöf handa barni,eru með svo mikið af fallegu og sniðugu.

Hvað gerir Grímur? 2

2006-03-28T00:43:00.000+02:00

Strákurinn fór fyrir viku að nota báðar hendur saman meira og færa hluti að munninum. Hvert annað?

Það er mjög spennandi þessa dagana að japla á höndunum og troða þeim jafnvel báðum upp í sig,nammi,namm.

Er mun duglegri að vera á maganum,dugar núna í smá tíma í einu og kvartar ekki strax.

Fylgist líka enn betur með umhverfinu og teygir sig í hluti,eins og leikföng,skrautlegt box og gallabuxur sem hanga fyrir framan hann.

Er svo auðvitað yndislegur eins og alltaf. Finnst voða gaman þegar mamma hans fíflast í honum og hlær þegar hún setur andlitið að andlitinu hans,tekur utan um hendurnar hans og hristir höfuðið og framkallar skrýtin hljóð:)

Pizzufjölskyldan

2006-03-28T00:21:00.000+02:00

Dálítið síðan að var ritað hér síðast,kannski af því að fæ á tilfinningunni að þessi dagbók sé ekki mikin lesin,böhö ég á svo bágt.
Er nýkomin inn,kom heim áðan með Grím frá mömmu um 8 leytið,stormaði svo út aftur eftir að hafa skellt honum í bað,varð bara að fá smá mömmu frí:) Brunaði á Iðu og kíkti aðeins í blöð og kom svo heim endurnærð,hvernig ætli það sé að vera með tvö eða þrjú börn!:) Tja,þetta kemur alla vega með æfingunni.

Við fórum í mömmujóga í morgun og vorum svo á flakki á bílnum,aldrei þessu vant. Venjulega erum við brummandi um með Grím í vagninum.

Hvað á ég að segja frá?... Það var fín hjá okkur helgin,fórum upp á Skaga á föstudaginn; á laugardeginum fór ég í frábæran jógatíma og svo fórum við fjölskyldan í göngutúr niður í bæ og fengum okkur hádegismat á Hressó. Um kvöldið notuðum við svo í fyrsta sinn spes pizza stillingu og pizzasteinn á flottu SMEG eldavélinni okkar. Pizzan var þvílíkt góð og var tilbúin á 3 mínútum með ekta flottum botni,nammi,namm,þetta verður endurtekið fljótlega.

Grímur litli er 3 mánaða - og á súpermömmu

2006-03-16T01:08:00.000+01:00

Litli kúturinn okkar er orðinn 3 mánaða,mikið er tíminn fljótur að líða. Eins og venjlega höfum við það fínt. Við fórum í 3 mánaða skoðun 14. mars og þá var Grímur 6,6 kíló og 63,5 cm,sem sagt í góðu standi. Hann fékk líka sprautu í rassinn og það var sem betur fer sársaukakalaust.

Við fórum í jóga í morgun og vorum svo á flakki í dag. Ég skrapp aðeins að útrétta og fór í Bónus - og á meðan var Grímur hjá Sólveigu frænku sinni. Ástæðan í súpermömmu tilvísunina er að það er ekki nóg að ég burðist hér upp og niður fjórar hæðir með ungann og það sem honum tilheyrir,heldur þurfti ég að koma Bónusbirgðum hér upp í dag. Hafði eins og kjáni ekki sett allt í poka,heldur í pappakassa,svona til að vera sniðug(!) og þurfti svo að þrælast langa leið úr bílnum vegna framkvæmda alveg við húsið og stíga jafnvægisdans yfir tréplanka sem er yfir heljarinnar skurði fyrir framan húsið með allt saman. Eins og ég er ánægð með íbúðina mína leiddi ég hugann að því að væri jafn vel sniðugt að hafa þægilegt og nútímalegt lyftuhús:) Þá er röfli dagsins lokið,ég verð þreytt bara að hugsa um þetta.

Grímur er núna sofandi,sofnaði fyrir hálf ellefu þessi elska,eftir nudd og bað,ekki slæmt líf. Við förum í annan tíma af fjórum í ungbarnanuddi á morgun. Hann var eins og engill síðast,gaman að sjá hvernig verður á morgun. Ég væri alveg til í tásunudd núna sjálf...

Yndislegt í sundi

2006-03-11T00:33:00.000+01:00

Ég var að koma úr sundi í Laugardalslauginni,skellti mér skömmu fyrir lokun eftir síðustu brjóstagjöf dagsins. Það er alltaf jafn frábært að fara í sund og heita pottinn,hvað þá þegar maður er lúin mamma.
Við Grímur vorum frekar róleg í dag. Mér finnst alltaf þurfa að taka til og snyrta þannig að ég ákvað að taka til hendinni í dag og gefa mér frí um helgina. Samkvæmt pistli í Blaðinu í vikunni,eru einmitt heimilisþrif helsta deiluefni á heimilum. Ég ætla að bíða og sjá núna hvort húsbóndinn á heimilinu gangi frá í eldhúsinu eftir að húsmóðirin fór út í búð og eldaði,þetta er mjög spennandi... :)